Coedo Taproom (Fashion Walk) (Closed)

今日又去咗食街嗰邊食晏，散叫要左一個「鰻魚梳乎厘飯」（$108 ），之前睇食評見過人哋post出嚟就好想試，真係成個梳乎厘咁，仲要用個砵仔嚟裝，好得意啊！店員教我食嘅時候先篤開一個窿仔，然後要將呢支蛋白汁倒小小入去，然後攪勻，跟住可以再按喜好加多少少汁黎食，感覺都幾得意，裏面鰻魚嘅份量都幾多，食到我好飽。另外同事叫咗一個「吉列厚切牛脷飯」（$95），平時好少會見到用吉列嘅方式整牛脷，同事話味道都唔錯，牛脷好腍，加埋有其他滑蛋、紫菜、洋蔥、雜菇等拌飯，似乎都唔錯。