凡高廚房

Open Now

Now Closed

今日同同事食farewell dinner，知道佢一向都好陶醉藝術畫作，上網係意見到呢間餐廳，決定要帶佢嚟感受一下。一上到去佢已經被餐廳嘅裝修吸引住咗，嘩聲不斷，好彩當晚早到，唔係嘅話真係好失禮😂餐廳每個角落都掛上凡高嘅畫作，佈置都好有心思，全以歐陸風為主，充滿藝術感。嘢食方面我點咗set dinner嘅美國prime護心火焰牛柳。跟餐嘅有頭盤餐湯同法式麵包，頭盤係chop醉嘅洋蔥蕃茄沙律，味道偏碌，但好開胃！餐湯係俄羅斯野菜湯，但味道超淡。正當懷疑緊main course 味道嘅時候，侍應就端上一碟串燒牛柳，淋上火焰白酒，超有gimmick。原本以為燒牛柳份量唔多，但一共有兩串燒牛柳，每串都有三大嚿牛柳夾雜埋波椒，仲有炸薯伴碟。牛柳燒到剛剛好，裡面仲有輕微粉紅，肉質結實但充滿肉汁，蘸埋燒烤汁味道更豐富！最後送上埋甜點，當日係迷你忌廉蛋糕，仲有陣陣嘅士多啤梨香味！每隻碟都有餐廳名嘅朱古力粉，好靚。