Video
Read full review
2018-08-04
966 views
適逢旺角西洋菜南街行人路即將變為行車路，好多人都嚟到呢度渡過呢條行人路嘅最後一夜，我亦都唔例外，順便搵野食。上網見到呢間炸雞店，之前未試過，今次決定試下。炸雞店喺兆萬中心11樓，好好彩星期六晚都咁啱有位，餐廳望落去環境寬敞，同同一棟大廈嘅其他餐廳好唔同，而且隔音設備都幾好，同朋友傾計真係唔錯嘅選擇。見到個餐牌嘅款式都幾多，呢間餐廳主打韓式炸雞，但係除以之外仲有唔少嘅小食同埋飲品、甜品等等，見到即刻胃口大開。1) 夏威夷阿努哈 (⭐⭐⭐⭐⭐)有原味炸雞半碟同埋炸薯絲蝦。炸雞同蝦各大概有五六件，分量都幾多。炸雞唔算非常熱氣，因為炸得唔算好油。而蝦都幾有口感，連埋配料就一流。2) 韓式海鮮煎餅 (⭐⭐⭐⭐⭐)食韓國嘢要食煎餅啦。煎餅用料豐富，食到唔同類型嘅海鮮，仲有啲蔬菜，賣相都幾吸引。如果唔想淨係食炸雞嘅朋友都可以考慮。3. 檸檬雞肉沙律 (⭐⭐⭐⭐⭐)檸檬味嘅食物作為開胃嘅前菜係唔錯嘅選擇。沙律有雞肉、麵包、蛋白等等，感覺都幾健康，味道都唔錯。4. 棉花糖無骨炸雞 (⭐⭐⭐⭐⭐)呢碟菜真係咁多款入面最推介，實在太特別啦。佢係一碟炸雞，有埋好多薯條。上菜果陣，滿佈棉花糖一大舊，店員喺我哋面
炸雞店喺兆萬中心11樓，好好彩星期六晚都咁啱有位，餐廳望落去環境寬敞，同同一棟大廈嘅其他餐廳好唔同，而且隔音設備都幾好，同朋友傾計真係唔錯嘅選擇。
見到個餐牌嘅款式都幾多，呢間餐廳主打韓式炸雞，但係除以之外仲有唔少嘅小食同埋飲品、甜品等等，見到即刻胃口大開。
1) 夏威夷阿努哈 (⭐⭐⭐⭐⭐)
有原味炸雞半碟同埋炸薯絲蝦。炸雞同蝦各大概有五六件，分量都幾多。炸雞唔算非常熱氣，因為炸得唔算好油。而蝦都幾有口感，連埋配料就一流。
夏威夷阿努哈
32 views
0 likes
0 comments
2) 韓式海鮮煎餅 (⭐⭐⭐⭐⭐)
食韓國嘢要食煎餅啦。煎餅用料豐富，食到唔同類型嘅海鮮，仲有啲蔬菜，賣相都幾吸引。如果唔想淨係食炸雞嘅朋友都可以考慮。
韓式海鮮煎薄餅
24 views
0 likes
0 comments
3. 檸檬雞肉沙律 (⭐⭐⭐⭐⭐)
檸檬味嘅食物作為開胃嘅前菜係唔錯嘅選擇。沙律有雞肉、麵包、蛋白等等，感覺都幾健康，味道都唔錯。
檸檬雞肉沙律
22 views
0 likes
0 comments
4. 棉花糖無骨炸雞 (⭐⭐⭐⭐⭐)
呢碟菜真係咁多款入面最推介，實在太特別啦。佢係一碟炸雞，有埋好多薯條。上菜果陣，滿佈棉花糖一大舊，店員喺我哋面前用火槍燒棉花糖，令棉花糖溶落去啲炸雞同薯條，令到炸雞同薯條都有甜甜地嘅味道，非常特別，做法真係聞所未聞，效果有驚喜。
棉花糖去骨雞
19 views
0 likes
0 comments
甜品方面，點左oreo雪糕，好大碗，入面有雪糕、oreo曲奇同埋冰雪，食落去涼快，適合夏日炎炎。
飲品方面，點左啤酒，因為啤酒配韓式炸雞係好正。除咗啤酒，仲嗌咗青檸薄荷梳打，同oreo雪糕一樣凍冰冰，飲落非常過癮。
薄荷青檸梳打
23 views
0 likes
0 comments
Post
