棋子燒鵝 (旺角道)

Open Now

Now Closed

一直都想試下呢間棋子燒鵝，今日去完花園街買嘢咁啱見到轉出嚟有一間就試下先。 店舖主打煙燻燒鵝，佢哋自設鵝場，堅持採用5斤四両重的無生養母鵝。燒鵝並非中央醃製，到店舖即場用爐燒，非常新鮮。 我同朋友叫咗個二人餐$218，可以試多幾款唔同嘅燒味。 棋子燒鵝例牌：例牌嘅份量都幾大，燒鵝皮脆肉嫩，味濃油香，色澤亮麗。 鹽焗手撕雞半隻：鹹香入味，雞肉嫩滑多汁。 單拼燒味例牌：最終揀咗燒腩仔，非常之有驚喜，皮脆肉嫩，咬落去脆卜卜，超好味！😋 郊外油菜：跟餐仲有碟油菜。 白飯／瀨粉／米粉：可以揀白飯／瀨粉／米粉，我哋揀咗一個飯，一個瀨粉，瀨粉爽滑，呈現飽滿白皙，口感Q彈。 老火靚湯係花生眉豆煲雞腳，非常足料入味，而且無咩味精。 如果大家想斬料返屋企加餸，宜家凡購買燒鵝半隻，仲可以以換購價10蚊換雞半隻。