四季椰林海南椰子雞 (屯門市廣場2期)

Open Now

Now Closed

終於唔使返大陸食係香港都可以食到，四季椰林海南椰子雞火鍋終於開分店，地點非常方便唔使再北上啦。出哂名不加一滴水四個椰子做一個湯鍋諗起都流口水，座位大部份卡位坐非常舒適，價錢大眾化，店員十分細心建議先飲湯後食雞。海南文昌雞半隻文昌雞走地雞，雪白雞肉，肉質彈牙順滑超嫩，先飲湯後加雞，雞肉烚至剛剛熟即刻食口感一流。椰子湯底湯底係靈魂之作，四個椰子不加一滴水，哇哇哇好鮮甜，不知不覺飲咗幾碗先開始開餐，飲湯都已經飲到飽。潮汕牛筋丸，魚丸雙拼魚丸彈牙，牛筋丸好香中間有肉汁流出來火山肥牛肥瘦適中，唔錯，牛肉味濃，打邊爐必叫鮮活水培菜自家種植培菜（生菜），我都係第一次試又可以玩吓，一邊擇菜一邊淥菜，生菜口感爽脆幾得意。午餐肉看似簡單嘅午餐肉，一落湯就變得非同凡響。炸腐竹腐竹吸湯一流，等於一邊飲湯，一邊食豆皮，豆皮有豆香只刷2秒剛剛好。招牌臘味煲仔飯熱辣辣香噴噴原個煲仔上，店員會灑上蔥花芫荽豉油。趁煲仔熱辣辣嘅時候不斷翻炒，蔥花芫荽即時發揮作用，臘味油香再加上飯焦好惹味，每個人都有三碗份量。今次體驗唔錯，環境舒服食物有水準。