Video
Introduction
The coconut water hot pot soup base never mixes with water to level up the taste of seafood and meat. The vintage style interior design features green colour, and offers a lot of booth seats to create a comfortable dining environment.
continue reading
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
About Reward Scheme
Offers
今日同朋友仔食四季椰林海南椰子雞, 之前都覺得椰子雞好食☺️一入去鋪頭新裝修，而且店員好熱情介紹，我地叫左半隻原味海南雞，叫左啲配菜，鮮活水培菜，丸類雙拼、火山肥牛、響玲同午餐肉😊另外仲叫左個臘味煲仔飯🥰個椰子雞由店員幫我地安排計時，叫我地個陣就食得啦，雞係用上海南文昌雞，5分鐘岩岩好好滑，湯底係由4個椰子做成一鍋湯, 不加一滴水,我地即刻一人飲左兩碗湯先，好清好好飲☺️啲雞都好嫩🥰個鮮活水培菜好得意😎自己採既生菜自己食，感覺好新鮮好玩，而且加埋上湯底好鮮甜😊潮汕丸類雙拼係牛丸同魚蛋，牛丸好彈牙😊魚多都好味。火山肥牛肥瘦適中，而且擺盤好靚，兩個心好快食晒😊響玲淥3秒，岩岩好，仲有個午餐肉都係打邊爐必食☺️我哋仲叫咗個臘味煲仔飯，呢個好香，同埋好鍾意食佢嗰啲飯焦脆卜卜好好食，整得啱啱好，入面有臘腸同香菇，中煲可以裝到5碗左右，哩個我覺得必叫😊成個食後感好好👍餐廳新裝修員工好熱情，而且食物質素好高😊下次會再encore
continue reading
終於唔使返大陸食係香港都可以食到，四季椰林海南椰子雞火鍋終於開分店，地點非常方便唔使再北上啦。出哂名不加一滴水四個椰子做一個湯鍋諗起都流口水，座位大部份卡位坐非常舒適，價錢大眾化，店員十分細心建議先飲湯後食雞。海南文昌雞半隻文昌雞走地雞，雪白雞肉，肉質彈牙順滑超嫩，先飲湯後加雞，雞肉烚至剛剛熟即刻食口感一流。椰子湯底湯底係靈魂之作，四個椰子不加一滴水，哇哇哇好鮮甜，不知不覺飲咗幾碗先開始開餐，飲湯都已經飲到飽。潮汕牛筋丸，魚丸雙拼魚丸彈牙，牛筋丸好香中間有肉汁流出來火山肥牛肥瘦適中，唔錯，牛肉味濃，打邊爐必叫鮮活水培菜自家種植培菜（生菜），我都係第一次試又可以玩吓，一邊擇菜一邊淥菜，生菜口感爽脆幾得意。午餐肉看似簡單嘅午餐肉，一落湯就變得非同凡響。炸腐竹腐竹吸湯一流，等於一邊飲湯，一邊食豆皮，豆皮有豆香只刷2秒剛剛好。招牌臘味煲仔飯熱辣辣香噴噴原個煲仔上，店員會灑上蔥花芫荽豉油。趁煲仔熱辣辣嘅時候不斷翻炒，蔥花芫荽即時發揮作用，臘味油香再加上飯焦好惹味，每個人都有三碗份量。今次體驗唔錯，環境舒服食物有水準。
continue reading
馳名國內的海南椰子雞鍋專門店在屯門開了新分店，今晚慕名而來一嚐特色海南雞鍋。餐廳裝修雅緻，卡位寬敞舒適。服務員彬彬有禮的歡迎客人到臨。坐下來，先來一壺海南特產“鷓鴣茶”，味甘而帶清香，有消滯解膩的功能。特色調味料：砂薑、辣椒、甘桔，最宜點雞肉吃。服務員先放下一鍋用4個椰子不加一滴水的純天然椰子水，傳來陣陣椰香，待水滾後才由服務員放下雞塊。倒轉沙漏計時，約5分鐘後便可享用。“原味椰子雞”由自家養殖到屠宰的新鮮海南文昌雞，肉質幼嫩無比，雞味濃郁，加上椰子香味，味道更上一層樓。“中山脆鯇魚片”正宗中山脆鯇，魚肉新鮮爽口，味道鮮甜。“貴州紅托竹蓀”爽滑口感，味道天然，椰香滲透其中，特別滋味。“手打黑虎蝦滑”蝦滑中帶粒粒蝦肉，鮮甜彈牙，有意想不到的美味。“鮮冬菇”、“娃娃菜”新鮮蔬菜，平衡腸胃，自然鮮美，椰香四溢。“金牌非遺臘味煲仔飯”香噴噴的臘味煲仔飯，由服務員送上及拌飯，臘肉、臘腸份量不少，由秘製醬汁煮成的糯米飯，配上臘味，口感、味道都令人一試難忘。原來用椰子雞湯泡飯焦來吃，又是另一番滋味。總括而言，這家餐廳的食物質素高，製作認真，服務殷勤，怪不得開業不久已經其門如市，座無虛席。
continue reading
四季椰林椰子雞番大陸食過幾次，超鐘意佢既湯底同臘味煲仔飯🤤🤤依家開到來屯門市廣場，即刻同朋友一齊去試試雞隻主要是用上海南文昌雞🐔極鐘意佢既湯底，4個椰子1鍋湯, 不添加1滴水店員落雞大約5分鐘就可以飲湯、食雞，時間計得好精準！ 湯底真係超清甜，豪不誇張地同朋友清左成鍋湯😆😆文昌雞肉質細嫩，點埋特製醬料，味道更鮮🤤竹笙吸晒椰子🥥湯，口感更鮮甜可口！ 主食必點臘味煲仔飯，米飯粒粒分明，搭配臘腸和臘肉，加人豉油同芫荽蔥，底部香脆的鍋巴更添口感，滋味濃郁。2個人食2人餐都是498 ，人均$250，可接受範圍！
continue reading
盛夏將至，作為火鍋迷既我。熱情從未冷卻。系屯門市廣場内見到呢間#四季椰林海南椰子雞，來自國內著名品牌，"四個椰子一鍋湯， 不加一滴水"椰子雞湯鍋。已到晚飯時間，店內熱氣氛騰騰，就決定入內探店😃。🥥海南文昌雞（半隻）源用上海文昌雞，，肉色看得到的新鮮，呈粉紅色。湯底滾起揭開鍋蓋，椰香撲鼻而來。店員幫我地落雞去淥。經過約五分鐘，雞肉亦爽嫩彈牙，又香又甜，真係好好食！🥥椰子湯底（份）湯底一絕，清澈透明，清甜得嚟帶點天然嘅椰香，飲一啖除左有椰子鮮甜味，同完全吸哂文昌雞嘅精華，飲完個心都暖哂，貨真價實，全椰子湯底確實與別不同。🥥貴州紅托竹蓀（份）竹蓀吸哂椰子湯底嘅精華，軟淋淋，十分爽口。🥥潮汕非遺丸類雙拼（份）白魚蛋有濃郁的魚味，冇魚腥，爽口彈牙。牛根丸真爽口，滲出美味的肉汁，果然系正宗潮汕名物。🥥娃娃菜（份）新鮮翠綠，味道清甜，冇草青味。🥥3秒響鈴（中份）落湯後，即掛上椰子雞湯鮮味。變得軟稔響鈴，入口濃郁。🥥金牌非遺臘味煲仔飯（中煲）超足料煲仔飯，除飯焦帶著微微焦香。臘味量足，臘腸、臘肉，芋頭粒鋪滿成煲，臘味嘅油香滲透哂入飯入面，口感相當豐富，令人回味，難怪是金牌非遺產物，呢個套餐一定要試。
continue reading
You may be interested in