水鴨朱椰子雞 (Closed)

同朋友食飯聚會當然要揀打邊爐慢慢恰恰下，呢間餐廳環境夠曬大，空間闊落，伙記推介椰子雞煲一於試下，雞肉都嫩滑，有timer計住，伙記專人開爐落雞，服務態度好，而家明顯食開都係街坊，餐牌好選擇而且價錢好合理。首先頭盤係青瓜海哲，微辣醒胃，椰子雞湯真係好清甜，啲邊爐料唔洗沾豉油都好有味，好香椰子味，海鮮超新鮮，啲蝦好生猛，蝦肉好爽口，青口同蠔都係大大隻，仲有勁巨型帆立貝，肉當然不能不提，佢啲牛肉肉質稔，易咬口，豬頸肉份量超多，呢間野每樣材料份量都勁足，丸類好多都手打，夠曬彈牙，我地仲叫左椰王飲，30蚊一個超清甜，想食火鍋都推介黎！