安南 (利園二期)

Open Now

Now Closed

我身邊有啲人都讚呢間安南好食，前幾日食完，我覺得佢唔難食，不過絕對唔會推薦，如果真係一定要讚嘅⋯⋯我諗我淨係會讚佢個椰子雪糕好食，其他就普通普通。其實嗰晚我哋嗌咗好多嘢食，不過個味道令到我都冇乜心機影相，例如，睇餐牌嘅時候覺得個庶蝦好吸引，所以一定要叫，碟餸嚟咗之後其實賣相都仲好靚仔，當我第一啖咬落去，「X」個蝦膠薄到好似塊皮咁，搞到成個風味冇晒、蒜蓉牛油雞翼就蒜蓉同牛油味都唔夠、豬頸肉就太瘦、仲有一個蟹肉炒粉絲，直程唔知做乜春，食極都估唔到佢係炒嘅，味道偏淡、相反生牛肉河又偏鹹，真心反晒白眼🙄，不過口味嘅嘢始終每個人都唔同，嗰啲人讃得就自然有佢鍾意食嘅味道，又或者佢鍾意食偏鹹嘅生牛河。