四季椰林海南椰子雞 (屯門市廣場2期)

Open Now

Now Closed

今日去咗屯門市廣場2期嘅四季椰林海南椰子雞，真係好正！一入門就聞到陣陣椰子香，環境好舒服，綠色嘅裝修真係讓人好放鬆，服務員態度都好親切。佢哋講求不加一滴水，四個椰子一鍋湯，係專業品質保證。🥥個椰子湯底原汁原味，用嘅係新鮮椰子，清甜到不得了！先飲上一口湯，停唔到，飲多兩碗先開始食，已經覺得值回票價。🐔 雞隻是用上海南文昌雞，半只份量好足料，夠2個人飽飽，雞肉好嫩滑，皮黃肉白，入口鮮香，蘸上特調嘅醬料，味道一絕。🥩火山肥牛都唔錯，牛肉好新鮮，稍微涮一涮就可以食，吸滿咗椰子湯底嘅清甜，口感好豐富。🍡潮汕丸類雙拼，有牛肉丸同墨魚丸，牛肉丸彈牙到可以打乒乓球，墨魚丸鮮味十足，正！🥬娃娃菜、午餐肉同炸腐竹都好搭椰子雞，午餐肉大大份，食落好滿足；炸腐竹吸收晒湯底嘅精華，超入味。🥘非遺臘味煲仔飯，臘香裹著米香，入邊仲有粒粒芋頭，質感豐富，飯焦鍋巴香脆，一口就被圈粉，傳統美味真的絕！