四季椰林海南椰子雞 (MOKO新世紀廣場)

Open Now

Now Closed

國內好岀名嘅四季椰林海南椰子雞，係國內已經有超過六十間分店。我哋今日去嘅分店係喺旺角新世紀廣場，一定要食椰子雞鍋，標榜”不加一滴水，四個椰子一鍋湯”。食完令人回味，成餐飯好滿足。原味椰子雞，$208（半隻）個湯底真係一絕，湯底清甜得嚟帶有天然嘅椰香，飲一啖即刻感受到椰子嘅鮮味，雞係用上海南文昌雞。雞肉嫩滑，雞味濃郁，啲肉質非常有彈性，完全吸哂湯底嘅精華，食完個心都暖哂，真心好食。火山肥牛呢個肥牛片薄薄哋，入湯淥幾下就可以食，肉質嫩滑，牛味濃郁，吸哂椰子湯底嘅鮮甜，真係一啖接一啖停唔到口。潮汕非遺丸類雙拼入面有魚蛋同牛丸，魚蛋彈牙，牛丸鮮味十足，食落去口感豐富，非常有嚼勁。金牌非遺臘味煲仔飯，$118。呢個煲仔飯真係超足料，臘腸、臘肉，芋頭粒鋪滿成煲，飯煮得粒粒分明，仲有香脆嘅飯焦，食落去香口得嚟又有層次感，臘味嘅油香滲透哂入飯入面，真係好滿足👍鮮活水培菜新鮮翠綠，味道清甜。炸腐竹腐竹吸哂湯底嘅精華，有咬口，幾特別炸午餐肉心型午餐肉香口又唔會太油膩100%天然椰子汁，飲完清甜解膩，又唔會太甜，成個口腔都係椰子嘅香氣。四季椰林嘅出品有水準，湯底鮮甜，火鍋料都好食，可以再戰。