海記合桃坊甜品

Open Now

Now Closed

今日熱辣辣，就諗住買返啲凍糖水返屋企食。老公話呢間嘅合桃糊幾好食，就買咗個沙沙合桃糊，同埋椰皇燉鮮奶。合桃粒係分開一包，返到屋企至打開倒落合桃糊入面。合桃粒份量都唔少，合桃粒唔止增加咗口感，仲加重咗合桃嘅味道，真係幾好食。另外椰皇燉鮮奶都好有驚喜，刮咗啲椰子肉出嚟，配埋燉鮮奶一齊食，椰皇味好重，唔會有其他怪嘅甜味，燉鮮奶又夠滑，覺得仲好食過沙沙合桃糊。不過呢間淨係收現金，落左order先知，要走返去車度問老公攞現金，八達通都冇就唔太方便。