楚撚記大排檔 (日富里百好大廈)

Open Now

Now Closed

食過楚撚記幾次，味道好之餘又唔貴，成日都想約埋班朋友再嚟encore！不過平時經過都要等成個幾鐘，今日早放經過見唔使等位，咁就即刻入咗去食！第一樣就點我最愛嘅楚撚記原隻脆皮炸豬手，會有芥辣同埋泰式辣醬跟埋，個豬皮炸得脆卜卜又多肉，好好味呀真係！仲有叫咗個避風塘鮮魷，配喼汁，香口之餘又唔會太辣，層炸粉厚度適中，魷魚夠哂彈牙！啫啫唐生菜煲，上菜嗰陣仲渣渣聲，再加埋蝦醬蝦乾，好惹味！招牌豬油飯，嚟到楚撚記真係唔可以唔嗌佢，芫茜同蔥分開兩個兜，勁體貼，再加上醬油豬油，好邪惡但我鍾意，真係食兩碗都唔夠皮！飲品就緊係要叫啤酒啦，用戰鬥碗飲勁有風格！兩人隊一支青島，滿足！