Video
Read full review
2022-04-17
32 views
3月轉熱之後以為要等到年尾冬天先再有得打邊爐，估唔到呢幾日天氣又涼返少少，即刻把握時機打返個邊爐先🤭 相信牛大人對大家來講都唔陌生，今次介紹嘅係佢哋嘅午市吃到飽套餐，只係$198(+10%)，但食物嘅選擇一啲都唔輸蝕比晚餐，好抵食㗎😀今次嚟到沙田嘅牛大人店，超級多人排隊呀！好彩我哋晨早訂咗位，同服務員講聲Booking，好快就安排入座👍🏼午巿有幾個套餐選擇，價錢全部$200內，我哋當然叫最靚嘅極上和牛吃到飽套餐😈 湯底🍲: 冇記錯嘅湯底好似有成8，9款可以揀，我地想食清少少，揀咗個唔辣嘅蒜頭雞湯鍋🐔湯底入面都有成半隻雞㗎，而且蒜頭味都幾重，加上有少少菜，可以話清淡得來都幾惹味😋肉類🥩: 和牛套餐顧名思義就係有和牛食啦，佢哋嘅牛係澳洲和牛M5牛肩卷，切到非常之薄， 淥一淥就食得，油脂唔算多，但一啲都唔鞋，而且重牛味，翻叫左好多好多碟🤣 除咗和牛仲有安格斯牛板腱，牛五花，西班牙豬梅肉片，雞件等等，呢啲我每樣都只係食咗一件，始終都係食和牛最抵嘅😏火鍋配料自助區🍢: 除咗用iPad落單嘅肉類之外，自助區仲有唔同嘅丸類，台灣麵同米粉，同蔬菜🥬加埋都成幾十款，而且仲有自助醬料區，可以自己混醬😁小食
3月轉熱之後以為要等到年尾冬天先再有得打邊爐，估唔到呢幾日天氣又涼返少少，即刻把握時機打返個邊爐先🤭 相信牛大人對大家來講都唔陌生，今次介紹嘅係佢哋嘅午市吃到飽套餐，只係$198(+10%)，但食物嘅選擇一啲都唔輸蝕比晚餐，好抵食㗎😀
今次嚟到沙田嘅牛大人店，超級多人排隊呀！好彩我哋晨早訂咗位，同服務員講聲Booking，好快就安排入座👍🏼午巿有幾個套餐選擇，價錢全部$200內，我哋當然叫最靚嘅極上和牛吃到飽套餐😈
湯底🍲: 冇記錯嘅湯底好似有成8，9款可以揀，我地想食清少少，揀咗個唔辣嘅蒜頭雞湯鍋🐔湯底入面都有成半隻雞㗎，而且蒜頭味都幾重，加上有少少菜，可以話清淡得來都幾惹味😋
肉類🥩: 和牛套餐顧名思義就係有和牛食啦，佢哋嘅牛係澳洲和牛M5牛肩卷，切到非常之薄， 淥一淥就食得，油脂唔算多，但一啲都唔鞋，而且重牛味，翻叫左好多好多碟🤣 除咗和牛仲有安格斯牛板腱，牛五花，西班牙豬梅肉片，雞件等等，呢啲我每樣都只係食咗一件，始終都係食和牛最抵嘅😏
火鍋配料自助區🍢: 除咗用iPad落單嘅肉類之外，自助區仲有唔同嘅丸類，台灣麵同米粉，同蔬菜🥬加埋都成幾十款，而且仲有自助醬料區，可以自己混醬😁
小食🍗同飲品🧃: 講到明係台式火鍋，又點會冇台式小食同台式飲品呢？用iPad點餐入邊會有幾款台式小食，我最鍾意就係髯鬚雞同埋台式香腸，好有台灣嘅感覺啊🥹 至於嘢飲方面都係自助嘅，有一大個凍櫃俾你揀，包括有罐裝飲品例如汽水之類，亦都有牛大人自家製嘅一啲台式茶品，打完邊爐飲來清下熱唔錯㗎👍🏼
Post
