麵屋常勝

Open Now

Now Closed

新年繼續食好野～今日係2014年第一個工作天，繼續出差觀塘。中午響觀塘東廣場搵食，可以趕響繁忙時間1點前入座，大概12點45分到。今日揀咗 麵屋常勝。揀左推介嘅 《極尚濃蝦湯叉燒拉面》$88，另加$8加咗隻溏心蛋，再加$10加多膠樽裝嘅玄米茶。落單之後坐低等堂食，唔使等好耐食物就到。一放低已經聞到好香嘅蝦湯味，叉燒有4片，上面放有京蔥，海帶等等，賣相都唔錯。先飲啖湯，飲得出係濃濃嘅蝦油濃湯，橙色嘅湯底，唔錯，飲得到鮮味，但係唔會太搶喉，應該都係如餐牌上所講嘅無味精。拉麵屬於幼身，唔太硬身，尚算可以；4片叉燒軟淋，肥瘦均勻，唔會太乾；溏心蛋嘅溏心效果好靚，樣樣都恰到好處。埋單$106，午餐可能係小貴，但係要響官塘食到好嘅質素拉面都應該差不多。地方唔算大，未係繁忙時間，唔知到時出餐速度會點。另外見到有外賣優惠，同埋有卡仔儲印花優惠，呢間係可以再試嘅拉麵小店。