大壹燒鵝 (MOSTown Street新港城中心大街(3期))

Open Now

Now Closed

呢間野真係愈做愈差，食物差，態度差，唔會再幫襯亦都叫親戚朋友唔好再幫襯！首先講下態度 。收銀個呀姐成尊佛咁坐係度，落order買野食好似去求佢咁 ，都算 。我去買一家人既外賣，其中一個係燒腩河，個收銀呀姐同我講無燒腩，咁咪問下屋企人想轉咩啦，問完話要油雞河，你先同我講話無河粉？你玩呀？定扮麥兜？ 你唔一次過講無燒腩無河粉？食物質素 。個乾炒豬頸肉河係差既（又話無河粉！？），多油到個底啲油倒到出黎，又無鍋氣，成盒野好似比啲油浸熟浸熱佢咁 。而啲燒味真係不知所謂！ 燒鵝肉乾到柴皮咁，燒鵝皮韌到塊膠咁！叫瘦叉燒，你比啲又燶又得返肥膏既我，咩意思？仲要返到屋企打開袋先發現乜野醬都無比到！！！燒鵝無燒鵝醬，燻蹄無醋！！！（唔係自動比架咩？定係要自己出聲話要？）係馬鞍山住左咁多年，幫襯呢間野都唔少次，真係睇住佢愈做愈差！我好少寫食評或black list餐廳，但係經過今次之後，我真係忍唔住要完全black list左佢！