Video
Read full review
2020-10-07
731 views
已經係第3次試呢間餐廳, 頭2次都係有D失望, 因為食物上碟時總係唔夠熱, 試過扒,牛尾,意粉, 質素算叫做過得去, 咁就算啦, 可以叫做食個氣氛同服務態度。 星期一晚見冇乜人, 諗住試一試, 點知今次真係離晒大譜! 食到好嬲!「第一嬲👎🏼：上錯食物」8點入座 叫左個$180既美國牛封門柳配薯蓉, **落單時講明要五成熟, 8:20分一送到黎切開 入面係全熟既!** 講緊個時成間餐廳有3枱客, 3對couple, 我地係最尾入座個枱, 客量唔多, 唔明點解咁都可以搞錯? 你話忙中有亂都情有可原, 咁都搞得錯, 係完全浪費左個食材! 亦浪費左我自己時間係到等佢煮一份岩既過黎!「第二嬲👎🏼：食物遲遲未上枱」終於等到個牛柳送到黎, 一切開, 終於煮岩左啦, 約6成熟啦, 質素下面個part再講。食食下見差唔多時間, 就嗌多樣野試下啦。兩個人叫2個餐先夠飽。叫左個$88既推廣套餐: 豬梅肉扒。個時客人都走晒嫁啦, 得返我地呢枱, 約8:50分倒。**我地足足等左半個鐘佢都未上菜!** 催下個侍應, 隔左8分鐘倒終於黎啦, 一睇, 真係嬲到震! 睇下面質素個Part就知點解!「第三嬲最最最嬲👎🏼
「第一嬲👎🏼：上錯食物」
8點入座 叫左個$180既美國牛封門柳配薯蓉, **落單時講明要五成熟, 8:20分一送到黎切開 入面係全熟既!** 講緊個時成間餐廳有3枱客, 3對couple, 我地係最尾入座個枱, 客量唔多, 唔明點解咁都可以搞錯? 你話忙中有亂都情有可原, 咁都搞得錯, 係完全浪費左個食材! 亦浪費左我自己時間係到等佢煮一份岩既過黎!
「第二嬲👎🏼：食物遲遲未上枱」
終於等到個牛柳送到黎, 一切開, 終於煮岩左啦, 約6成熟啦, 質素下面個part再講。食食下見差唔多時間, 就嗌多樣野試下啦。兩個人叫2個餐先夠飽。叫左個$88既推廣套餐: 豬梅肉扒。個時客人都走晒嫁啦, 得返我地呢枱, 約8:50分倒。**我地足足等左半個鐘佢都未上菜!** 催下個侍應, 隔左8分鐘倒終於黎啦, 一睇, 真係嬲到震! 睇下面質素個Part就知點解!
「第三嬲最最最嬲👎🏼：食物質素真心差, 去食茶記/杯面都好過佢!」
請問各位, 我係食緊西餐, 唔係係天台燒緊野食/爐端燒呀嘛? **下面呢塊鐵板豬梅肉扒, 成個面燶到咁都可以拎比客人食???!! 一切開入面, 完全係硬實實既!** 我真係食唔落! 另外講下配菜個薯蓉，個薯蓉係起晒粒既, 又唔夠熱。**真係唔知你地廚房入面係點樣處理d食材, 一係就煮錯, 一係就煮燶, 一係就煮到d野凍晒既????** 個牛柳以$180質素黎講, **係完全唔值呢個價** 冇牛味, 有d邊位都係煮到燶左。個豬梅肉扒更加唔洗講, 食左一啖已經咬唔落....
最後的話：
睇緊食評既大家, 自己衡量要唔要去呢到食野啦, 如果係同一個廚師煮野食, 我就真係唔知呢到下面個d"精彩好評"係點得返黎既。*呢間餐廳係區內算標得中高價錢, 你餐牌寫呢個價, 人地就會expect可以享受到一個好既食物質素, 唔係過黎你呢到食燶左既鞋底。* 👉🏼👉🏼我想問廚師一句: 以心問心, 如果係煮西餐比自己親人/朋友食, 你會接受到拎一塊燶晒面又硬晒既豬扒比佢地食??👈🏼👈🏼 如果各位係打算黎呢間餐廳慶祝週年紀念/生日/其他節日, 奉勸大家三思, 質素咁唔穩定, 廢時搞到大時大節, 同另一半因為食野問題鬧交傷感情啦。
P.S.
1.）就算個位札馬尾既侍應姐姐最後FREE左個豬梅肉扒比我, 如果個廚房質素冇進步, 都係無補於事。一間餐廳, 最緊要係個食物質素, 連最基本既野都做唔到, 咁我不如係屋企自己煮 唔洗出街食啦??
2.）原諒我淨係有2張相提供, 一路食一路已好唔滿意, 都冇晒心情, 冇影到入面個餡係點, 但牛柳張相, 都清楚見到個薯蓉係起晒粒嫁! 張燶豬扒相, 更加唔洗講啦.
3.）你哋係第一間餐廳激到我要打千字文嚟投訴。請你地同廚房好好溝通下，改善下個食物質素、上菜程序同速度。唔好浪費咗個靚環境同埋都叫有禮貌嘅服務態度。老闆你睇到真係要好好改善下，我咁樣黎比錢食野，感覺同墮入騙徒騙局冇分別。
已經列入永不再去餐廳首位!!
燶爆鞋底豬扒
$88
14 views
0 likes
0 comments
唔值$180冇牛味既牛柳+起格"薯蓉"
$180
12 views
0 likes
0 comments
Post
