新記煲仔雞粥 (Closed)

元朗真係好多嘢食😍但係揸住架車你要搵位泊就真係好難🤷‍♀️ 難得今日搵到個位泊車🚘見到隔離 #新記煲仔雞粥 好似好多食物選擇咁， 即刻走入去試下姐姐話炸魷魚鬚係必點， 估唔到55蚊咁大碟， 好鬆軟香脆， 皮脆肉厚😍😍之後就係重點貴妃雞粥， 即叫即煲 ，粥底好香好綿， 雞件都好足料食到底都仲有好多🤣炸大腸係老公指定嗌嘅， 好香脆，配埋個汁就更加一流， 鍾意食內臟嘅就 唔好錯過乳鴿其實係見到隔離枱叫完就叫就試一隻， 乳鴿都算香脆，早知叫佢唔好切開就更加原汁原味🤪食咗咁多嘢嗌番兩杯飲品凍咖啡 加埋 話梅柑桔冰超級解渴， 下次要試埋佢嘅炒麵