甜牙牙煮意

Open Now

Now Closed

星期六放假，約朋友到旺角行街食飯，接近黃昏，大家都有d肚餓，就選擇咗近煙廠街一間西餐廳，時間尚早唔係太多人，餐廳面積唔大，但座位好整齊，環境好舒服！✨烤檸檬三文魚配油醋沙律✨三文魚用檸檬汁醃過才去烤焗，皮香脆肉嫩，特別鮮味，加埋配以油醋嘅沙律菜，好開胃！✨蝦汁大蝦✨新鮮大蝦爽口彈牙，蝦汁係用蝦頭炒香後煮汁，味道更加鮮味濃郁，配埋軟硬適中嘅扁意粉，非常出色！✨蒜片炒五花肉片✨將五花肉片、蒜片煎得好香脆，配蔬菜一起吃，無感覺肥膩，仲好滋味😋✨芒果拿破崙✨香脆糖酥皮，中間有芒果粒、杏仁、曲奇、吉士醬已經好好味，還伴有香濃芒果雪糕和芒果粒粒，一個完美嘅晚餐啊🥰