勝手 (Closed)

男朋友生日，諗住同佢食好啲，自己都受惠經朋友介紹下黎左呢度，我早一個星期到訂位。八點零鐘去到，全場差不多滿座，有bar枱位，亦有四人枱。我地兩個，安排左坐bar 枱。餐牌都好多野食，有海鮮二人餐、肉食二人餐、燒物、刺身等，花多眼亂。本身想食毛蟹，見其他食評家都推薦二人餐，就唔諗甘多，叫左肉食二人餐。（但如果你無物所謂，可以叫廚師發板）海鮮二人餐刺身九格前菜一上枱見到就心花露放！好別緻！九格上面既小食都唔同，有凍豆腐、螺、中華沙律、葉左既蒜頭等等。本身唔食蒜頭，但左下角呢個蒜頭令我喜出望外！！佢酸酸地，好脆口，有啲似食“”橋頭“”既感覺，好開胃，食完個口都唔臭左上角既螺又係好好味，個螺充滿住咸咸地既醬油，但唔會太咸，螺肉一吉就拉到出黎，凍凍地又爽口！右下角果個唔知叫咩，但又係好爽脆，好似食緊葉蘿蔔甘睇反其他食評，同佢地既食物有啲唔同，估計係會不時轉食物。呢九格每樣都有佢既味道同口感，一次過可以滿足幾個願望！！每個人前面都有一個小鍋，細細個好得意！衛生得黎又快滖呢個係昆布湯底，好香昆布味。醬料有兩款，一係壽司果只豉油，較甜，另一款以為係平時食開既麻醬，但佢好重花生味，應該係花生醬？鹿兒島黑