勝手 (Closed)

覺得這裏環境好舒服夠衛生每一個位置都好私人一人一鍋的設計完全符合衛生至於食物方面 我覺得明太子和白鱔串燒非常好吃另外魚湯是老闆精心烹調配合牛肉非常相配最後一班知己飲酒也是重點

最近因為疫情關係 都唔敢周圍食嘢 朋友介紹左呢間高質日本餐廳 一人一鍋感覺安全一D當晚先點了一些串燒，明太子、雞軟骨、雞翼牛舌等的小食，味道非常好又不會太鹹。然後再叫了海鮮拼盤、朋友點了A5和牛、大家都大贊 食材非常新鮮，有幾款湯可選擇，我選的是魚湯 ，湯底好鮮甜👍還有當晚我們大贊的是芝麻醬，聽說是老闆自己調的 最後來一個烏冬 非常滿足服務亦很好 咁高質嘅餐廳 價錢非常合理 ，看得出店主的用心經營 所有食材都非常新鮮 值得一去再去。

聖誕前夕，訂到毛蟹和牛。特大毛蟹，大過塊面。隻蟹會先俾我哋欣賞佢活生生嘅樣，然後即場劏俾我地食。加埋A5 和牛。和牛睇得出係叫叫即刨。唔似係負先刨定.bar 枱位坐法，感覺似去左日本嘅居酒，哩餐滿載而歸。再加埋sake.

今日男朋友接收工，突然好有興致飲下啤酒食下小食，喺銅鑼灣行行吓，發現行仔有間勝手，食shabu shabu嘅，但夜晚晚又唔想食咁多野，見佢Menu除左火鍋仲有串燒就入去試試佢燒鯖魚 賣相好吸引，皮燒得好脆，入邊又唔乾燒牛舌同雞皮牛舌出邊食過太厚同太薄口感都麻哋，但呢間嘅牛舌厚薄係剛剛好！燒雞皮就正常嘢，如果唔燒到咁乾更好！燒雞軟骨同燒雞腎雞腎揀嘅位置一入口就咬得開唔會好似有啲地方嘅雞腎咬極都唔爛雞軟骨就對我來講無論如何都係好食嘅最後一定唔少得飲酒必食嘅雞泡魚干燒得剛剛好，我最後係叫左兩碟！原來餐廳老闆係廚師之一，人好Nice仲好好傾，夜晚消遣絕對係必去地點之一

居酒屋之選主要是做日式料理，位置在百得新街的内街午市套餐定食中，主菜跟餐的有橙沙律，湯，前菜和甜品蕨餅，看上去好少但實際好飽。另外串燒十分有風味，什麼都加了七味粉的。毛蟹新鮮有驚喜，可以下次再去一次。跟餐的定食沙律主要是沙律菜和鮮橙，比較特別的地方是用了七味粉，看似有點不相配，實質味道吃下去是沒有違和感的，反而多了分酸甜香辛的感覺。前菜是柴魚高湯油漬茄子，很入味，茄子浸到上了顏色，很軟滑開胃。味增湯有一點點驚喜，湯內除了基本的豆腐和海帶，還有金菇和蟹柳等材料，令湯的味道更豐富鮮甜。吃完所有東西還有甜點，就是兩塊蕨餅。

經過朋友介紹，找到這間隱世日本餐廳，朋友介紹他們的午膳定食有質素，這次來嘗嘗。位置較隱密，找了一段時間終於到了。裝修充滿和風，是經典的居酒屋設計。我們點了一個銀鱈西京燒定食和蒲燒鰻魚定食。前菜是水果沙律，有滿滿的橙粒和車厘茄，蔬菜相當新鮮。銀鱈西京燒還是第一次品嘗，想不到味道十分香濃，鮮味十足，原來是以酒浸泡後燒製而成。碟子是貝殻形的，和鱈魚互相配合，魚身表面很金黃。米飯也不錯，有咬口，而且上面鋪滿了魚乾、海苔等，令米香和鮮味相互配合。配菜南瓜塊亦讓我清減了口中的油膩感。另一個是鰻魚定食，賣相吸引，有綠葉點綴。味噌湯亦和日本的差不多，口感幼滑。鰻魚定食十分足料，鰻魚已吸滿了醬汁，相當惹味。最後不少得甜品，是有咬口的蕨餅呢，食完之後超級滿足。總括而言，這間的午食定食十分足料，而且食材十分高質，環境亦都很舒適。

同friend喺銅鑼灣行左幾圈，終於搵到呢間餐廳。雖然位置有少少偏差，但係性價比係極高！我同佢嗌左兩個午市定食。一個鰻魚飯一個牛定食。首先會上前菜，有麵豉湯，沙律同埋菜一碟。樣樣都好好食😋麵豉湯同出邊嘅唔係好一樣足料好多，有番茄同金針菇係入邊，我依個唔鍾意飲麵豉湯嘅人都飲晒。之後再上主食，鰻魚既分量超多！食晒啲飯都未食晒啲鰻魚。佢哋鰻魚係入口即溶嗰種，10分推介呢個定食！再嚟就係牛定食，牛味都好重。最後仲送綠茶甜品！依間嘅水準好高，仲有服務都好好，另外仲有邊爐打嫁，不過你知香港夏天咁熱🤣一定會再嚟食！

呢間餐廳係銅鑼灣比較偏既地帶，朋友帶我黎先識。😶我地中午黎，佢有lunch set，包配菜湯同甜品，我地叫個個set唔到$70，銅鑼灣黎講好抵，佢和牛個餐就貴啲。因為另外見佢都多串燒，一開始驚唔夠，所以叫埋，後尾抱住個肚走🤰🏻個配菜都幾高質，我地都好鍾意個麵鼓湯。平時我自己唔會點雞泡魚乾，朋友點左，食落甜甜地，好正。個免治雞肉串好嫩，佢底下個個係醬油，中間有個生雞蛋，點醬食好濃郁。另外我最鍾意個鵪鶉蛋串，佢表面烤完，將啲醬汁味都烤左入去，好味。另外主菜我點左牛舌，個牛舌好嫩，同埋煮得好入味，另外最重點係，個量真係勁多，通常都係下面鋪滿葱，上面係肉，結果佢全部都係肉，好抵，但都勁飽。朋友點左烤靖魚，我試左啲，魚肉好嫩，我從來唔點靖魚，因為好驚點到「鞋」既，呢個我下次黎會考慮點。不過佢真係好大條，可以點少啲串燒🤣最後個甜品應該係羊羹，但佢無平時個啲咁甜，我覺得係岩岩好，同埋因為細細舊，最後食可以中和全部都係肉既肉膩。總結午餐真係好抵，會再返黎。

突然好想食日式定食套餐🍱朋友帶我來到一間位於銅鑼灣內街的小店 位置比較隱閉 若果朋友唔喺住係附近都唔會發現里間店☺️⠀lunch time日式定食套餐有主食、白飯、小食、湯、沙律&甜品⠀▫️安格斯牛扒照燒定食 ($168)🍱安格斯牛🐃肉質軟腍juicy 用燒汁調味好適合餸飯⠀▫️蒲燒鰻魚定食·原條 ($168)🍱原條鰻魚份量十足有成3層🤤鰻魚肥美 皮脆肉軟 蒲燒汁很足 但飯量不多 所以食食下有點略咸⠀▫️小食·茄子漬物🍆茄子醃得夠入味 面頭加木魚片 很開胃⠀▫️蕃茄豆腐麵豉湯豆腐蕃茄金菇🍅好足料 酸酸甜甜嘅麵豉湯好好飲👍🏻⠀▫️水果沙律粒橙非常juicy清甜🍊沙律菜新鮮 加咗少許辣粉調味不錯喔⠀▫️甜品·黃豆黑糖蕨餅黑糖味濃郁 不過黃豆粉可以再多一點⠀

勝手的火鍋是signature必食，今次lunch也來了試試定食。先上小食茄子🍆，醃製過有豉油、芝麻香味，不錯。香橙🍊沙律好新鮮，有醋的醬汁夠開胃，特別是香橙超級甜美。而麵豉湯有豆腐粒等豐富配料，飲完相當滿足。銀鱈魚西京燒定食 $168份量適中，銀鱈魚肉厚嫩滑，醬汁調味剛好。😋豚肉生薑燒定食 $88好多洋蔥，一塊塊的豚肉多汁肉腍，醬汁很美味，配飯一流。甜品是抹茶蕨餅，抹茶味濃郁，蕨餅帶點煙韌感。

午餐$68-$88有沙律、湯、主食及甜品，銅鑼灣來說是超值。照燒雞扒定食 $88雞扒有兩大塊，份量已蓋過了飯，雞扒肉質嫩滑，加上醬汁及蔥的調味，令味道更佳。豚肉生薑燒定食 $88豚肉炒用火燒烹調，肉的四周燒至一點點焦，令豚肉外脆內軟腍，再加上肉汁及芝麻調味，今食物更美味。燒牛吞 $53散叫的燒牛吞，入口即溶，油膩在口腔肉爆出。燒白鱔 $48鰻魚肥美，魚油不斷流出。沙律非常大一碗，有水果有菜，加上黑醋酸酸地開胃。

最近因為友人的介紹，去了銅鑼灣一間位於小巷內的隱世小店。這間地址非常隱蔽，自問十分熟悉銅鑼灣也不曾察覺。店舖環境以木為主，配上黃燈的格調，寧靜而又舒適。我和朋友各自點了一款定食，每款定食都配有前菜，包括沙律、味增湯和油漬茄子。沙律配有鮮橙，另外加了一些七味粉在上面，酸甜而帶微辛，十分開胃，算是創意料理？哈哈和風炒牛肉定食不過不失，他們選用了薄切牛肉，不會十分油膩。不得不說他們的銀鱈西京燒定食的確十分出色魚皮煎得十分香口，而且完整一塊沒有散開，魚香肉滑，實屬水準之作最後甜品是兩小塊日本黃豆粉蕨餅，冰涼微甜，解膩一流，為這頓晚餐畫上完美句號。今次我們坐的是定食枱，看見旁邊bar枱每一個位都一個小小的打邊爐鍋，想一想，有空來個一人shabu shabu也不錯呢

相約朋友係銅鑼灣食午餐兩個人都想搵間環境舒適既餐廳輕輕鬆鬆食個晏朋友推介左依一間 — 勝手午市套餐包括一份主食、水果沙律、麵豉湯、飯同甜品十分豐富 同朋友一人點左一份定食水果沙律面上有兩件橙 新鮮多汁淋上左和風醬既沙律菜酸酸地 好開胃新鮮好味又健康 正麵豉湯依到既麵豉湯加入左金菇、蕃茄和豆腐每湯底變得清甜 味道岩岩好 唔錯唔錯銀鱈西京燒魚肉份量都唔少 肉質嫩滑結實 燒得好香 散發陣陣油脂甘香 好味道最緊要冇骨 每一啖都好滿足呀同沙律醬都好夾 另一種風味和風炒牛肉牛肉份量都好多日式燒汁肥牛 配上洋蔥和金菇整體十分香 而且醬汁夠多 沾滿飯粒唔覺唔覺就已經食晒 甜品黃豆黑糖蕨餅入口凍凍地 帶淡淡黑糖味彈牙好咬 為依一餐完美作結

呢排日日都落雨，想搵番一點樂趣，人人話美食會令人開心，所以今日就同朋友來到銅鑼灣百德新街一間高質日本料理嘆一個靚午餐。我同朋友飲食口味都好一致，一睇到午市餐牌就第一時間想食銀鱈魚，而且仲有兩個不同口味，我哋就決定叫兩款不同醬汁的銀鱈魚比比拼。午市套餐包括有主食，水果沙律，麵豉湯，飯及甜品。先講一下前菜水果沙律是有兩片超甜的橙片，十分甜美，配上新鮮清爽的沙律菜，好開胃呀。 醃製醬汁茄子都很香甜，麵豉湯清甜配上番茄更加美味。到了主食時間「銀鱈魚西京燒定食」，是一碟煎得很香口的銀鱈魚，碟邊放了沙律醬，魚香肉滑，點上酸味重的沙律醬更添惹味。至於「照燒銀鱈魚定食」，比西京燒的味道更香濃，照燒汁香甜，銀鱈魚肥美厚肉，而且魚片相當脆口，食到滿口魚脂的香味十分香口，再加一口日本珍珠米，超級美味好享受。甜品是黃豆粉黑糖蕨餅，微甜清香，整理上食物令人十分令人滿意。

黎到銅鑼灣既日本餐廳，本身諗住叫Shabu shabu，但見到有A5和牛又忍唔住叫咗黎試🤤鹿兒島A5和牛照燒定食 ($420) 午餐會跟水果沙律，麵豉湯，飯同甜品。沙律好新鮮，仲有橙，好fresh好健康🌝 麵豉湯都好有驚喜，加咗蕃茄粒入去，飲落好特別，同岀面飲到既麵豉湯好唔同～講翻個和牛先～ A5和牛梗係正，油質比例比較多，有入口半溶既感覺，牛味好重好正🥰 係覺得唔洗點汁都好味，可惜一上碟已經加咗醬汁，味道有點重，但幸好冇蓋過牛扒本身既味道。另外朋友見到我叫牛扒，佢又要叫牛扒餐😂安格斯牛扒照燒定食 ($168) 呢個個醬汁味道同上面既牛都好似，但係呢個牛扒嘅質感就稍為比較多筋，但係就比較有口感，兩種牛扒都各有特色。食完主菜仲有甜品食～