一粥麵 (樂富廣場A區)

Open Now

Now Closed

下午2點鐘行到附近，見呢間嘢睇落環境都幾乾淨就去試吓啦。叫咗個牛腩拼魚片頭撈粗，買完嘢食唔使畀飛，坐喺度等就得。見到出咗個number打算去攞啦，點知去到佢話未有，仲態度惡劣咁話睇number啦，我咪話個number咪出咗囉，佢就話未有呀。但我見到好幾個菜已經放咗喺度，似乎放咗好耐。隔離個婆婆都話明明號碼出咗，但仲未有得攞。期間見傳菜嘅將啲餐係咁飛，湯都漏晒出嚟，好似唔想做咁。等咗至少5分鐘終於攞得，最重要都唔係等幾耐，係態度差，仲有啲嘢食凍鬼晒！凍鬼晒！凍鬼晒！啲魚片頭直情係凍冰冰嘅，牛腩暖但係韌嘅。食食吓都聽到好多人喺度嘈話仲未攞得，啲嘢都凍X晒。總之真係好差，勸大家去之前，諗清諗楚。