香港達人 (新翠商場) (Closed)

今日叫咗個咖喱雞扒飯，個飯5分鐘就已經送到去枱面，我夾起啲雞扒嘅時候發覺啲雞扒係生嘅。咁我就叫個服務員過嚟話俾佢知，跟住佢問我想點，然後就話「你諗到就再叫我啦」，跟住即刻走咗去！跟住我再叫另一個服務員話俾佢聽啲雞扒係生嘅，叫佢俾返塊熟嘅雞扒我，佢成兜幫我攞咗入去釘都冇釘到就咁倒返入去兜咖喱汁度再加多少少咖哩汁就俾返我！我唯有就咁食咗啲咖哩汁飯就算！埋完單走出門口嘅時候，我哋已經差唔多離開咗餐廳嘅範圍，個收銀走出嚟叫住我哋叫我哋返轉頭，然後就衝番入去餐廳，我以為俾少咗錢就行返轉頭，行到入餐廳，佢竟然同我講冇鯇魚！係咪傻㗎？你面盲唔認得人就一早講啦，咁唔使等我哋行返轉頭啦！不知所謂！你呢間餐廳冇心做就唔好霸住個位啦！霸住呢個位幾年啲食物質素每況愈下又不停咁加價，呢度係做街坊生意嘅，你做老細嘅見到啲生意額都知有問題啦，都唔注意一下，再霸住個位喺度都係等執㗎咋！