香港達人 (新翠商場) (Closed)

早起身去食個早餐 打算試一試香港達人的早餐 服務沒有問題 奈何餐點實在太難食 叫了一個沙嗲牛肉麵的早餐 牛肉完全冇味 個面又係好難食 又冇味 麵質糊一樣 講緊已經係即食 同村內其他餐廳優勝太多 絕對冇下次 實在太難食

我8:00坐低叫嘢食，之後轉外賣⋯佢地出咗冇外賣到，我話攞走，服務態度勁差，　走去又大聲在水吧話黐線⋯我同佢地講，我身體檢查8小時唔可以食嘢，佢哋黑面⋯又話加三元，之後加左二元⋯好似趕客走咁

平日午飯時間，12:20到店，人不太多，無需等座位，10分鐘左右陸續有餐點上，上菜時間很快。很完整的茶記餐點，午市套餐包含烤餐包配牛油+主食+中湯/西湯+飲料。很喜歡這麼完整的套餐，吃完很開心🥳蟲草花雲耳蒸滑雞配白飯 - 雞肉尚算嫩滑，不會太老，用蟲草入味，加上蒸的烹調手法，感覺是健康的。可惜賣相上，感覺由太多，若能改善一下會更好。可選中/西湯，選擇了當日的西湯-羅宋湯，很足料，喜歡喝著熱熱的湯配啖啖料咬，不會太稀，就是很正常的羅宋湯。茶記的價錢卻多了幾項配料，CP值算是不錯啦😌

佢嘅價錢一啲都 唔值！好似豬扒牛扒真係難食到不得了！落咗好多 鬆肉粉 乸到啲 肉好淋！另外，一個蒸排骨飯 都可以買到六十幾蚊唔緊要但係出嚟嘅賣相 同味道 你下次唔會想食。 仲有就係嗰啲餐包啱啱又位阿姐收完枱唔使手唔抹手又唔戴手套就去徒手攞個餐包 上餐

黑椒汁牛仔柳 $46個汁都幾辣，牛肉都棯既⋯不過不失，份量男士略嫌少。 但價錢算平。焗鮮茄菠蘿豬扒意粉 $42反而意粉份量比碟飯多，醬汁適量，豬扒有醃過唔會淡茂茂，有少少芝士襯托個茄味，意粉都乾身，整體可以👍🏻奶茶唔澀，不過味道略淡。環境就不過不失，窗邊有烏蠅屍體，有隻蚊蟲徘徊。我地行入去角落卡位坐，叫待應落單時，佢口up up俾說話我地聽「封咗都入嚟」仲講咗幾次（但我地行入去無職員出聲，仲幫我地執走枱上上一手食客杯碟，同埋佢地無封卡位，所以我地見有卡位就行入去。 同我地落完單就連卡位都封埋。

今日叫咗個咖喱雞扒飯，個飯5分鐘就已經送到去枱面，我夾起啲雞扒嘅時候發覺啲雞扒係生嘅。咁我就叫個服務員過嚟話俾佢知，跟住佢問我想點，然後就話「你諗到就再叫我啦」，跟住即刻走咗去！跟住我再叫另一個服務員話俾佢聽啲雞扒係生嘅，叫佢俾返塊熟嘅雞扒我，佢成兜幫我攞咗入去釘都冇釘到就咁倒返入去兜咖喱汁度再加多少少咖哩汁就俾返我！我唯有就咁食咗啲咖哩汁飯就算！埋完單走出門口嘅時候，我哋已經差唔多離開咗餐廳嘅範圍，個收銀走出嚟叫住我哋叫我哋返轉頭，然後就衝番入去餐廳，我以為俾少咗錢就行返轉頭，行到入餐廳，佢竟然同我講冇鯇魚！係咪傻㗎？你面盲唔認得人就一早講啦，咁唔使等我哋行返轉頭啦！不知所謂！你呢間餐廳冇心做就唔好霸住個位啦！霸住呢個位幾年啲食物質素每況愈下又不停咁加價，呢度係做街坊生意嘅，你做老細嘅見到啲生意額都知有問題啦，都唔注意一下，再霸住個位喺度都係等執㗎咋！

之前係依間成日點特級牛扒餐，好好食，今次晚餐想食下小菜，叫左南乳蓮藕豬手煲，份量好足，一煲上菜熱辣辣，配埋野飲同飯（$72）仲有叫左金銀蛋肉碎浸莧菜都係配飯野飲（$72）味道ok,但價錢我地覺得算略貴喇

呢間嘢真係大伏...我媽夜晚8點左右嚟呢間嘢買外賣，嗌咗3個小菜套餐。明明入面唔算好多人，點知都等咗差唔多半個鐘頭先有得攞🙄等得耐都算，返到屋企仲發現3個小菜啱得1個，完全貨不對辦，離哂大譜😡 都唔知入面啲伙記咩事，好趕收工呀？咁都算，最大鑊係好x難食🤢 特別係送錯咗嗰碟洋蔥豉椒唔知咩雞，啲雞皮厚過肉咁濟，仲榎歰歰、乾噌噌，差到極！唯一嚟得啱個碟係叉燒蝦仁炒蛋，都係麻麻地，啲料唔靚，尤其係啲叉燒又係榎口；另外送錯個份好似係枝竹火腩，就普普通通，算係咁。呢間以後真係不了

喺嗰度食左個海南雞飯$61，賣相差都算啦，個油飯又乾又硬似隔夜飯，啲海南雞唔算柴但超多骨，份量又唔係多。可能係我孤陋寡聞，六十幾蚊嘅有骨嘅海南雞飯真係第一次食，海南雞飯應該有嘅醬汁都冇，只有一個檸檬汁嘅醬，咁嘅價錢真係值咩？最後想講下環境同服務。第一，冇冷氣，夏天冇得涼下冷氣真係好辛苦。第二，有少少污糟，有好多蚊滋飛嚟飛去，衛生欠佳。第三，員工態度惡劣。依間嘢唔建議去食，真係倒貼比人都唔會食啊😊

今朝有d 忙，無時間食lunch 🥲。做完野後，終於得閒食個 late lunch.行丫行丫，見到呢間餐廳 “香港達人”，見未食過，而門口見到餐廳入面幾多人。我就入左去試丫啦！話時話佢都有幾多選擇，而且有外賣自取9折優惠。佢下午茶選擇多，份量都大。只是無左乾炒牛河的鑊氣，但經濟實惠。

剛打完風，就出外用膳，途經沙田新翠邨内，看到"香港達人"，不太多人，看門口餐牌幾吸引，就入内食下午茶。由於下午飯都未食，要了包肚的楊州炒飯和干炒牛河，可能人手唔係太夠，所以上餐時間，要等了些時間，但地方很寛敞，就慢慢等。份量很充足，炒得很夠鑊氣，蝦和牛肉都很爽口，而且炒得又很干身，熱烘烘上碟，很好味但唔太油腻，所以最後全碟食光光。另外，下午茶是配有飲品，要了熱檸茶，一般茶餐廳水平，這一餐是满足的。

啊…..之前間唔中都會食下早餐同下午茶，咁今日再去食下午茶啦，叫左個焗飯黎食，如果對食物一向要求唔高既，價錢唔太貴既都ok, 可以接受。但店內環境非常嘈吵🗣🗣店內播放一啲柔和嘅音樂，但係一個二個侍應都係度大叫大嗌！落單又叫，外賣飛又叫，有枱又叫，幾多位又叫，邊張枱追野食又叫，總之真係好嘈！好嘈！就連坐後面既阿伯都話嘈喧巴閉！如果真係想同朋友傾吓計，食個lunch或下午茶！大家要考慮一下😑

之前試時下午茶覺得好抵食，今天就來食早餐。豬扒烏冬湯底一般，烏冬就麻麻，豬扒也可以，但份量大而且更有青菜，這個我好欣賞，喜歡碗湯粉麵有菜有肉。服務員主動問豬扒是否要剪開👍🏻。杯檸檬茶不苦澀也十分好。

今次去左大圍食下午茶我們叫左香茅豬扒公仔麵$36，味道淡左d，但豬扒都大塊，$36來講算抵食，下次再試試其他餐同埋焗菠蘿豬扒飯$38，個豬扒好大塊，味道夠濃，如果再多d芝士就更好，蕃茄味正，仲有咬口我哋仲加咗個豬仔包加$6，好味，烘得剛剛脆,有時食下肥野都唔怕我們仲加左$10 一杯紅豆冰同埋雙檸七喜，紅豆味夠，冰唔算多，椰汁多，紅豆較少而七喜d檸檬都厚，夠入味整體評分：4/5環境：3/5抵食：4/5

叫左兩個午餐，個餐有湯、餐包、主食、餐飲，五十幾蚊都幾抵。街坊生意，算大份抵食。餐湯有中、西兩款，我叫左羅宋湯，有點辣，吾太酸，受得辣的其實都幾醒胃。餐包柔軟，牛油吾會凍到硬綁綁，幾好主食叫左黑椒華倫腸併豬扒。一大碗飯份量，豬扒煎得香，腸又大條，黑椒汁香口，偏辣，合我胃口，食完好飽朋友叫左洋葱汁牛扒，牛扒厚身，有嚼勁，以親民價黎講，真係抵食最好係茶記feel，但吾趕人走，同朋友吹足兩個鐘水都吾趕人走，抵幫襯