品味人生中國廚房 (Closed)

極差極差既食店.....永遠永遠都不會再幫襯話說係十月二十五日晚上七時左右,我一行三人(姪仔、姪女),滿心歡喜位訂左位嚟呢間食店食晚飯(第一次幫襯)。點知換來一肚氣，起初入到食店感覺良好，因訂位關係食店職員安排我地三人坐卡位，座位都叫做闊落。跟住就睇餐牌叫嘢啦，起初諗住叫套餐，因睇openrice介紹套餐都抵食同好味，點知望一望套餐紙，某些食物己沒有，例如XO醬炒蘿蔔，點心類：脆雲吞、小蘢包等等都話冇，最恐佈甜品，無得揀只有雪碧一罐。見到套餐出名好食既食物都冇，謂有睇話餐牌逐樣叫啦！起初滿心歡喜叫，大蜆煱、芝士西籣花焗麵包、品味創作中國手卷、蒙古烤羊片，點知order既時候,穿著黑色衫可能係部長既職員話,今晚冇所有餐牌顯示煱類，因些煱壞了。仲有餐牌上既點心類都冇例如：粉果、紅油炒手、鐵板叉燒包等全部都冇。品味創作中國手卷、蒙古烤羊片都話冇。當時我同姪女都呆咗，「咁仲有咩可以叫呀？」他相都有道歉話唔好意思，芝士西籣花焗麵包會有仲有話幫我地落order，隨即再叫桑拿可滾肉(豚肉跟沙茶汁)、肉燥飯、担仔麵。我諗住陣間再加嘢啦！點知唔夠一陣有女待應走埋嚟話芝士西籣花焗麵包、担仔麵都冇。唔係卦？