Video
Read full review
2021-10-15
566 views
以往都十分喜歡這間餐廳，這次已經是第7次去吃飯了。（2021年10月15號晚市時間）今日夜晚客人比較多，但有幾枱疑似老闆啲朋友在場，喧嘩吵鬧，甚為騷擾，眼見在場好多食客都經常被佢地既吵鬧影響到，但並唔見佢地有想控制既意慾。佢哋分開四人一台但係走來走去互相敬酒，間中突然之間大叫，同朋友簡單傾偈都變得好困難，本來好地地嘅晚餐興致盡失。到我地埋單個刻想正接向佢地服務員反映，點知佢地態度漫不經心咁，完全冇任何回應或反饋，對於我哋嘅投訴佢一個字都冇應過，唔好意思或者係明白了解體諒嘅任何字眼都冇出現過，比起憤怒更加大嘅係失望，但係回想返其實過往嘅服務體驗其實都麻麻哋，咁其實佢哋都係維持返一貫嘅服務水平，期待佢哋有啲乜嘢可以服務到可能真係我太天真。講翻食物質素其實之前一直都係唔錯，但係後來可能間野越嚟越多人幫襯嘅關係，食物質素每況愈下，就當初第一次食好驚喜色彩非常之新鮮，去到後來慢慢感覺到佢哋嘅色彩好似有所改變，應該好鮮甜嘅慢慢變到普通質素，本來當初好新鮮嘅魚生慢慢變到一般街邊好食少少嘅日式餐廳嘅質素，各種各種都令人好失望。坦白講難得搵到一間好餐廳其實好想一直支持，但係每況愈下嘅情況越嚟越難令人去再
（2021年10月15號晚市時間）今日夜晚客人比較多，但有幾枱疑似老闆啲朋友在場，喧嘩吵鬧，甚為騷擾，眼見在場好多食客都經常被佢地既吵鬧影響到，但並唔見佢地有想控制既意慾。佢哋分開四人一台但係走來走去互相敬酒，間中突然之間大叫，同朋友簡單傾偈都變得好困難，本來好地地嘅晚餐興致盡失。
到我地埋單個刻想正接向佢地服務員反映，點知佢地態度漫不經心咁，完全冇任何回應或反饋，對於我哋嘅投訴佢一個字都冇應過，唔好意思或者係明白了解體諒嘅任何字眼都冇出現過，比起憤怒更加大嘅係失望，但係回想返其實過往嘅服務體驗其實都麻麻哋，咁其實佢哋都係維持返一貫嘅服務水平，期待佢哋有啲乜嘢可以服務到可能真係我太天真。
講翻食物質素其實之前一直都係唔錯，但係後來可能間野越嚟越多人幫襯嘅關係，食物質素每況愈下，就當初第一次食好驚喜色彩非常之新鮮，去到後來慢慢感覺到佢哋嘅色彩好似有所改變，應該好鮮甜嘅慢慢變到普通質素，本來當初好新鮮嘅魚生慢慢變到一般街邊好食少少嘅日式餐廳嘅質素，各種各種都令人好失望。
坦白講難得搵到一間好餐廳其實好想一直支持，但係每況愈下嘅情況越嚟越難令人去再忽視同包容佢嘅缺點。
打咁多字去發洩同埋分享其實都並唔係好玩，但係真係不吐不快，個人嘅唔愉快經歷俾大家借鑒，去唔去嘅就自己決定啦，好餐廳越來越少，慶幸好食嘅餐廳喺香港都唔少，並唔缺乏呢一間。
P.S. 如此混亂嘅場面入邊嘅相片我就唔放喇，凡事留一線
Post