品臻 (太子藍馬之城) (Closed)

之前見佢有優惠諗住去買，俾錢前問係咪優惠左先講完左。好都算，一望佢有出優惠卷但同你講下次再黎幫襯可以用....（真心感覺好無誠意）然後叫啦…一共叫左3杯第一杯細杯 茉莉綠茶+小芋圓+3Q果 $24（結果話無3Q果）第二杯大杯 蜂蜜檸檬蘆薈綠茶+珍珠 $34（呢杯就無出事）第三杯大杯 蜂蜜蘆薈菊花茶+小芋圓 $33（出晒事）第三杯叫大杯變左細杯都算，仲要話我無講過要大杯，然後蘆薈消失左....加6蚊小芋圓得十幾粒，超慳料好似俾多少少都蝕俾人咁。出飲品慢都算，料又少又貴，仲會偷風減料蘆薈都消失埋。做客仲要受氣，職員話咁要唔要做返大杯呀？不過過等其他出晒先喎! 真係燥左.....