赤丸海鮮丼 (Closed)

唔係成日黎上環呢邊 ，見呢間野裝修都ok 諗住試下。一入到黎，有個阿嬸問左我三次係咪堂食，我亦答左3次係，已經覺得唔對路。坐低哎左個四色便當（帶子，三文魚，三文魚子，海膽），黎到冇海膽唔出聲，自己換左做蟹肉。到我再哎一個海膽壽司先講話冇....咁我都無話可說，咁就照食，你哋有冇諗過食日本野個飯係熱？唔係暖暖地， 係熱到出煙.... 勁無奈.... 之後仲哎左個蔥吞魚軍艦（冇蔥，冇紫菜...無言），啲飯仲要一夾就散... 失敗。呢外哎左個油甘魚刺身（3片），師傅啲刀功... 我攞把扒刀應該都切得好過佢，啲邊全部唔齊口，油甘魚勁腥有血水，未解凍完，食左兩片頂唔順，放棄... 伏到一個點！