孖沙茶餐廳 (Closed)

上環~基本上每個星期我都會去兩三次，而孖沙茶餐廳我亦曾經路過呢間小店嘅門口好多次，不過每次喺午飯嘅時間，我都因為睇到孖沙門口嗰條不死嘅人龍而令我却步，但今日終於都有幸入嚟一試，因為係下午茶時間，比較冇咁多人，我目測所見，呢度就係地方比較細，有4張大圓枱同門口兩張嘅小方枱，基本上可以容納大概廿幾人同時用餐，呢度雖然麻雀雖少，但五臟俱全，真係乜嘢餐都有，原本嚟呢度想試三眼仔飯，但深知係下午茶時間，根本冇可能食到，唯有明天請早，我叫咗個孖沙餐A~沙嗲牛肉炒意粉+凍奶茶，total：$28蚊，碟意粉嚟到枱，真係聞到好香嘅沙嗲味，未食都已經覺得好吸引，雖然牛肉同意粉嘅份量係比較少，但真係好好味，意粉食落好juicy，牛肉軟淋有牛味，再加埋杯凍奶茶真係冇得頂，奶茶~茶味夠，奶嘅份量恰到好處，最重要係夠凍，甜度適中，合格！(註：三眼仔飯嘅供應時間係每日嘅中午11:00點-下午嘅2:00點，但我個人認為，如果真係要嚟呢度食三眼仔飯嘅話，最好都係中午11:00點左右嚟食就最好，因為再晏d接近中午嘅時間就會開始出現人龍，人潮直撲埋嚟，令到用餐氣氛相當緊張，另外一提~孖沙每日一到下午3:30分，所有廚房炒粉