美心香港地 (Closed)

是日去新港城食晚餐， 見到個餐牌幾吸引，就入左去試。本身有個侍應帶位，帶帶下唔見左，有個男侍應見到我地好迷茫，就安排我地去卡位坐。有位女侍應“Yungyung” 落單既時候發哂夢，同佢落完2個扒+$20套餐既時候，佢就咁一句：冇！Whats? 問佢冇D咩，之後Yungyung 發緊夢+用唔正宗既廣東話解釋冇得+$20套餐。哦~講清楚小小丫麻，聽到我一舊雲。叫左3樣野食：鐵板黑椒汁肉眼扒配薯菜-相片既薯菜係薯條，但係實物係炸薯仔。炸薯仔係預先炸定，放涼左，個皮巢哂皮， 煙煙靭靭，但個心唔熟。黑椒汁其實係黑椒水。最重要個鐵板係唔熱，淋個汁上去時唔會炸炸聲同冇煙。所以塊扒仲好生，仲有血水。鐵板黑椒汁肉眼扒配意粉-落錯單，變左飯。冇比黑椒汁，叫先拎。欖菜四季豆-四季豆未熟，仲好青，同冇味道。中湯咸到一個點。全場最好食應該係扒餐上面既一舊西蘭花。全晚幾個後生既新香港人侍應就係度玩，嘻哈大聲笑大聲講，我連我屋企人講野都差D聽唔到。不過其他年長D既侍應就好有禮貌同服務。同價錢黎講，我會選擇食大x樂。