Video
Read full review
2019-06-22
73 views
隱世蒸氣鍋！唔係朋友介紹都唔識黎，貪佢夠靜，野食又夠新鮮、好食！之前book定位，等廚師預備好食材，有專人幫手控制蒸鍋，黎到等食就得！場內有唔同既飲品同酒，本身唔飲酒，所以無叫。有隔離枱客人開左幾支，應該唔錯！先先上演左一場噴火雜技—酒煮賴尿蝦加酒落去炒，出晒火，好香酒味！賴尿蝦算大只，好好肉，有少少酒味。肉質爽口同鮮甜，可以成只既肉起出黎而唔會爛！蒸有機濕豆豉北海道扇貝豆豉汁好香，少少既咸味，帶起扇貝既鮮味！扇貝好新鮮，大大只，好厚身既肉，爽口，好清甜！蒸貴妃蚌配蕃薯貝又係鮮甜到不得了！！蒸出黎啲湯超鮮味，好好飲！貴妃蚌超爽口，肉質爽甜！蒸拆蟹肉手工玫瑰花生豆腐右邊果份，樣貌一流，食落似稔身既年糕，好香花生味，加埋面頭濃香既蟹肉同櫻花蝦食，好夾！蒸黑豚露荀卷蔬菜新鮮，尤其是個露荀，好脆口！蒸深海龍躉件好多肉！肉質彈牙，好新鮮！咬落啲皮好多骨膠原既感覺，好厚身！好好食！伴魚仲有好特別既花生牙同三色椰菜，之前都未見過，有心思！紫蔥栗子蒸本地新鮮雞用少少調味/酒去醃左，雖然蒸左一陣，但全熟，仲好嫩滑！正！蒸青花龍蝦龍蝦肉新鮮，可以成舊肉起出黎！食落好爽口彈牙！唔需要點任何醬料都好好食！Yu
之前book定位，等廚師預備好食材，有專人幫手控制蒸鍋，黎到等食就得！
場內有唔同既飲品同酒，本身唔飲酒，所以無叫。有隔離枱客人開左幾支，應該唔錯！
先先上演左一場噴火雜技—酒煮賴尿蝦加酒落去炒，出晒火，好香酒味！
賴尿蝦算大只，好好肉，有少少酒味。肉質爽口同鮮甜，可以成只既肉起出黎而唔會爛！
蒸有機濕豆豉北海道扇貝
豆豉汁好香，少少既咸味，帶起扇貝既鮮味！扇貝好新鮮，大大只，好厚身既肉，爽口，好清甜！
蒸貴妃蚌配蕃薯貝
又係鮮甜到不得了！！蒸出黎啲湯超鮮味，好好飲！貴妃蚌超爽口，肉質爽甜！
蒸拆蟹肉手工玫瑰花生豆腐
右邊果份，樣貌一流，食落似稔身既年糕，好香花生味，加埋面頭濃香既蟹肉同櫻花蝦食，好夾！
蒸黑豚露荀卷
蔬菜新鮮，尤其是個露荀，好脆口！
蒸深海龍躉件
好多肉！肉質彈牙，好新鮮！咬落啲皮好多骨膠原既感覺，好厚身！好好食！伴魚仲有好特別既花生牙同三色椰菜，之前都未見過，有心思！
紫蔥栗子蒸本地新鮮雞
用少少調味/酒去醃左，雖然蒸左一陣，但全熟，仲好嫩滑！正！
蒸青花龍蝦
龍蝦肉新鮮，可以成舊肉起出黎！食落好爽口彈牙！唔需要點任何醬料都好好食！
Yummy!
櫻花蝦黑豚南瓜十六殼
鍋底係日本十六穀米+南瓜、櫻花蝦、粟米同黑豚。食到最後個粥已經煮好，精華既所在！！完全無加過調味，但已經好夠，好鮮甜！夾雜住櫻花蝦既香味！正！
檸檬雪芭
黎一個完美既結局！雪芭酸酸甜甜，好幼滑，香檸檬味，用佢黎結尾一流！
係一間好值得推介既蒸氣煱，服務同食物質素都一流！尤其是啲海鮮，好新鮮，好清甜，時間控制得好好！人多仲可以包場！推薦！
Post
