Video
Read full review
2022-09-27
196 views
同朋友一行4人約咗旺角食飯，所以好想揀啲任坐又任飲任食嘅地方🤔可以一邊烚下烚下一邊慢慢傾計，就搵到呢肉浦團，見佢menu 有四個set 揀，由最平$248嘅set 到最貴食到最靚日本A4和牛嘅set 都只係$468位😳 包括有A4鹿兒島泰元和牛後腿肉、A4 鹿兒島泰元和牛肩胛肉眼、A4 鹿兒島泰元和牛牛展、A4 鹿兒島泰元和牛牛五花、A4 鹿兒島泰元和牛牛胸片。我個人不嬲比較偏好A4，因為冇A5咁油膩（曾經喺鹿兒島食A5和牛油到夜晚痾油😅😅），又唔會好似A3咁偏瘦（澳洲和牛去到M8M9都只係A3左右）肉浦團可以咁嘅價錢就食到A4，性價比非常非常高👏🏼重點仲係無限時任坐任你食到夠🥳當我地仲諗緊食邊個set之際，店員話原來而家佢哋做緊一週年感謝祭，揀$368嘅M5和牛set 加$20即係$388就已經可以升級食到原價要$468嘅A4和牛set😱 咁吸引之下我哋就緊係揀呢個🙈開爐冇耐隨即上咗盤識噴煙嘅牛拼盤🤤，上面每樣牛都清楚寫明係咩部位，比你哋試少少啱食邊款就自己再落單，賣相勁吸睛非常作狀岩晒打卡用🤭 🐂呢度真係有好多款唔同嘅牛肉選擇，除咗啲日本A4和牛類別正，牛脂味極種極香就唔洗講😌，另
當我地仲諗緊食邊個set之際，店員話原來而家佢哋做緊一週年感謝祭，揀$368嘅M5和牛set 加$20即係$388就已經可以升級食到原價要$468嘅A4和牛set😱 咁吸引之下我哋就緊係揀呢個🙈
開爐冇耐隨即上咗盤識噴煙嘅牛拼盤🤤，上面每樣牛都清楚寫明係咩部位，比你哋試少少啱食邊款就自己再落單，賣相勁吸睛非常作狀岩晒打卡用🤭
🐂呢度真係有好多款唔同嘅牛肉選擇，除咗啲日本A4和牛類別正，牛脂味極種極香就唔洗講😌，另外仲推介封門柳同1++韓牛後腿肉，肉質彈牙又唔怕有好重嘅牛騷味👍🏻。最特別又未食過嘅就係牛滑喇，聽店員講佢哋嘅牛滑全部自家製🤔完全係山竹牛肉球嘅味道，調得非常惹味，但係就冇加芫茜，打邊爐滾過後入口比起飲茶食到嘅更滑，係「滑牛」☺️，中意芫茜嘅朋友可以自己去自助吧拎大量芫茜調配😂
🐖豚肉方面就推薦俄羅斯豬五花腩同豬面頰肉，五花腩半肥瘦豚脂豐富，豬面頰就厚少少條狀切但一啲都唔柴有咬口，味道就似豬頸肉咁好香
除咗大量肉任你食其實呢到仲有虎蝦🦐，北吉廣島蠔🦪，日本帶子，啲虎蝦隻隻都粗同長過隻手指脹卜卜，仲要啲肉係彈牙冇一隻係食到梅嘅🤩唔似其他任食嘅餐廳比啲un 芝芝嘅蝦😑 日本帶子直頭有驚喜，係勁厚勁大粒😳 烚完係超好食勁有咬口，唔驚放咗落煲就轉頭縮水到唔見左🤡 另外唔想剝蝦嘅朋友可以試吓佢蝦滑，真係啖啖食到蝦肉粒爽滑架😋
除咗呢啲喺menu 上嘅野食，出面仲有一個自助區有好多唔同啲丸類腸類同疏菜任夾，要提一提大家真係要試吓啲丸，呢到嘅丸有大部分你出面都唔係咁易買到或者見過😱我最推薦嘅係芫荽貢丸，香芋貢丸同埋冬陰公魚蛋，仲有佢啲台灣一口腸係真係台灣嘅口味嚟🤩
另外野飲都係任飲同自己出外面雪櫃任拎嘅，其實選擇都好多，最讚賞嘅係佢會不停fill up 同埋個雪櫃係勁夠凍💯平時出面任食嗰啲個雪櫃長期比人拎到勁稀疏冇乜得揀，唔係嘅就fill 完但啲野飲係暖嘅😒打邊爐咁熱緊係要飲冰凍🙈 想啤一啤佢嘅朋友🍺亦到可以加$48就已經有埋啤酒放題😌
最後仲要有埋甜品送🍨有haagendaz 嘅士多啤梨味同曲奇味，總括嚟講，$388呢個價錢食到咁高質嘅食材，仲要係任食，CP 值真心極高而且我哋4個都食到棒住個肚走勁滿足🥹
Post
