渡邊屋

Open Now

Now Closed

渡邊屋日本菜,地址九龍城衙前圍道122號地下,餐廳地方唔人,有五個吧檯座位,食材非常新鮮,全部由日本老闆主理。坐低有提供熱茶,濕紙巾,紙巾,豉油,全部食物即叫即做。刺身拼盤,248元,三文魚,油甘魚,真鯛,甜蝦,帶子,海膽魷魚卷,立魚。刺身全部都好新鮮,帶子非常厚身,入口味道鮮甜加上少少檸檬汁將鮮味提升,魚生切到好厚身,食落去好有口感,三文魚味道香甜,加上有少少魚油脂肪特別香口,海膽魷魚食落去好有口感,海膽味甘甜,鮮味十足。油甘魚肉厚滑嫩,膠質豐富,油花散步均勻,有入口即溶嘅感覺,肉質口感幼滑細膩。火焰壽司盛合 138元,有三文魚,油甘魚,帶子,左口魚,鰻魚,赤蝦,原條海鰻,左口魚壽司魚肉結實,魚油非常豐富,味道鮮美甘香。海鰻壽司魚肉包住個飯,睇到都非常滿足,原汁原味,魚肉嫩滑,味道鮮甜。三文魚籽海膽丼 268元,賣相勁靚仔,鋪滿海膽同三文魚籽,入口海膽味道甘香,大有少少鹹香味質感細膩,幾乎入口即溶, 三文魚子海膽味道非常夾,將大家嘅鮮味提升。