盛宴

Open Now

Now Closed

一行5 人試咗佢哋嘅$132餐。一個字：餓首先，佢哋嘅火鍋分量仲少過吉野家嘅火鍋餐，女仔食完都覺得唔夠飽。5-6片豬肉／牛肉1隻青口1隻帶子2隻蝦（有黑色蝦腸）2條蟹柳1粒蝦滑2粒魚皮餃1個蔬菜杯（2塊生菜，2塊娃娃菜，1塊南瓜，1塊薄過紙嘅紅蘿蔔片）半個烏冬（碎上）一罐汽水（冇無糖）坐低之後，我哋等咗將近半個鐘先上菜，上漏咗一碟牛肉，我哋問返個樓面，佢竟然反問我哋點解會爭一碟…. 點答? 醬料只係得豉油、麻醬同柚子醋揀，樓面話因為唔係傳統火鍋，所以冇其他料供應。 食物質素好一般，肉多肥膏，蝦有黑色蝦腸，半個烏冬大部份係烏冬碎，點淥？ 仲要成枱只有一個湯殼。 用餐過程好大壓力，成餐飯D樓面係同你鬥快. 喺你周圍行黎行去，見有吉碗就9秒9想埋黎收走。最過份係我哋未食完，樓面已經要上甜品。而甜品係一枝甜筒，放喺個鍋旁邊，未食已溶。 樓面姐姐講得啱，果然唔係傳統火鍋，出面真係未食過。By the way，最後埋單要收原價($188)嘅加一，間野集團係ClubOne。