和牛燒肉一郎 (新都城中心二期) (Closed)

今次同朋友過咗嚟和牛燒肉一郎食燒肉放題餐廳總共有八款放題套餐選擇，今次我哋揀咗C餐，頭盤有黑毛和牛2款加澳洲M9薄炙組合，仲有牛，雞，豚，海鮮，蔬菜，炸物等等任食燒肉方面個人最鍾意牛舌同牛里脊肉，牛里脊肉仲要有薄切同厚切，佢嘅牛肉唔止入口即溶，仲切得好薄，點埋燒肉汁/佢嘅自家款式醬汁一齊食好味，海鮮一樣好新鮮，最鍾意食佢哋嘅青口，又大隻又鮮甜肥美。呢度嘅自助選擇區食物選擇好豐富，有沙律，湯，甜品，雪條，仲有好多唔同款式嘅嘢飲，最鍾意佢有啲養生同果汁系列，中和食燒肉嘅油膩感。整體無論環境，食物同職員態度都唔錯，職員仲細心幫我哋燒埋肉，食得開心又飽