碗盛 (Closed)

碗盛在清風街，幾有日本道地感，好有feel, 店員都幾nice,日本制asahi冰凍香純，泡泡夠綿！6點後既啤飲特別好飲，非常relax. 蟹籽腐皮沙律，腐皮帶鮮甜，蟹籽脆口，好爽脆，係我食過腐皮沙律最好食。煙肉廣島蠔，估唔到效果幾夾，煙肉咸香配上蠔既鮮味，幾正！燒得幾好 keep到 juicy感。免治雞棒，配上雞蛋醬汁更香口，雞棒內有少少雞軟骨，感覺更香脆有口感！厚燒牛舌，相當tender, 牛味好濃沃，又帶爽口感覺，再拼上芥辣醬帶有層次感！燒白鱔，魚皮微微焦香，白鱔好香又夠厚肉！明太子蛋卷，topping木魚，沙律醬幾有味，再加有明太子更有香辣鮮味感！蛋卷幾滑又有質感！熱辣辣夠蛋香好好食。牛小排拉麵，賣相幾得，温泉蛋既橙色好吸晴，拉麵好吸味，湯頭香濃！牛小排燒得幾有焦香感。keep到嫩滑，幾有 heart既拉麵。