Video
Read full review
2024-09-03
1217 views
係一間超超超有氣派同有水準嘅餐廳呀雖然位於鰂魚涌同北角中間嘅商廈個位好靜但都客似雲來 晚餐係爆場㗎 （我影到吉景係因為我17:45到咗😗）見到有好多熟客仔 證明質素係有保證嘅💕蒜泥白肉蒜泥真係食落口好綿密 好滑身又香口白肉切到好薄身裏面夾咗青瓜 配埋啲黑醋食 係一碟出色嘅開胃菜💕椒醬皮蛋秘製醬汁採用子彈椒、二荊條、指天椒同大蒜炒製而成味道夠晒多層次 皮蛋仲係糖心㗎🫢💕二荊條辣子雞好難先食到我滿意嘅辣子雞 有啲餐廳炸到啲雞粒好乾 啲辣味又滲唔到入去呢度啲雞粒炸得香口又保留到肉汁之餘 啲辣味同麻香係滲到入雞粒度㗎🤤腰果都炸到好脆口💕蜜汁叉燒叉燒肥瘦相間 醃得好入味 食落好腍唔會乾外面有少少微微嘅焦香 仲帶有香甜嘅蜜味💕龍蝦麻婆豆腐呢味真係好震撼 冇諗過豆腐同龍蝦呢兩種食材會放埋一齊 更加冇諗過係用麻婆豆腐嘅方式呈現龍蝦呢種擺盤方法好有派頭 龍蝦肉已經起咗出嚟切埋粒 食落有鮮味又彈牙 食得出係新鮮嘅龍蝦 唔係冰鮮嘅質感豆腐好滑溜 吸收埋龍蝦嘅鮮味菜式嘅醬汁惹味得嚟冇掩蓋到龍蝦嘅鮮味 滋味無窮💕豬油渣椰菜花感覺上係傳統嘅中菜先有呢味菜式食見到豬油渣粒就令我好興奮 食落去脆脆地再爆番啲豬油香味出
係一間超超超有氣派同有水準嘅餐廳呀雖然位於鰂魚涌同北角中間嘅商廈
個位好靜但都客似雲來 晚餐係爆場㗎
（我影到吉景係因為我17:45到咗😗）
見到有好多熟客仔 證明質素係有保證嘅
💕蒜泥白肉
蒜泥真係食落口好綿密 好滑身又香口
白肉切到好薄身裏面夾咗青瓜
配埋啲黑醋食 係一碟出色嘅開胃菜
💕椒醬皮蛋
秘製醬汁採用子彈椒、二荊條、指天椒同大蒜炒製而成
味道夠晒多層次 皮蛋仲係糖心㗎🫢
💕二荊條辣子雞
好難先食到我滿意嘅辣子雞
有啲餐廳炸到啲雞粒好乾 啲辣味又滲唔到入去
呢度啲雞粒炸得香口又保留到肉汁之餘
啲辣味同麻香係滲到入雞粒度㗎🤤腰果都炸到好脆口
💕蜜汁叉燒
叉燒肥瘦相間 醃得好入味 食落好腍唔會乾
外面有少少微微嘅焦香 仲帶有香甜嘅蜜味
💕龍蝦麻婆豆腐
呢味真係好震撼 冇諗過豆腐同龍蝦呢兩種食材會放埋一齊
更加冇諗過係用麻婆豆腐嘅方式呈現
龍蝦呢種擺盤方法好有派頭
龍蝦肉已經起咗出嚟切埋粒 食落有鮮味又彈牙
食得出係新鮮嘅龍蝦 唔係冰鮮嘅質感
豆腐好滑溜 吸收埋龍蝦嘅鮮味
菜式嘅醬汁惹味得嚟冇掩蓋到龍蝦嘅鮮味 滋味無窮
💕豬油渣椰菜花
感覺上係傳統嘅中菜先有呢味菜式食
見到豬油渣粒就令我好興奮
食落去脆脆地再爆番啲豬油香味出嚟
椰菜花又吸收晒豬油嘅香氣 邪惡但唔係到到有得食㗎！
💕鮑汁花膠撈飯
花膠炆到夠腍得嚟又有口感 食落係膠原彈彈嘅感覺
撈埋啲鮑魚汁食 完全係奢華嘅體驗
鮑魚汁夠晒濃郁 最欣賞佢唔會話好杰身
呢個狀態撈飯食一流 見到餐廳用白飯唔係用炒飯
就知佢哋對自己嘅出品係有信心
～最後就用甜品作結🥰
💕經典芝麻卷
呢個菲林卷真係做得超級好味
食落芝麻香夠晒重得嚟 芝麻卷嘅口感比較軟
唔係啲我唔鍾意嘅爽口口感 上枱嘅時候仲熱辣辣㗎
💕香煎日本紅豆綠茶軟餅
即叫即煎 外層有微焦脆脆嘅感覺
裏面就係好軟糯嘅口感
帶綠茶香又有綿綿嘅紅豆蓉
呢度嘅店員好Nice 見我哋食唔晒都有主動問打唔打包
仲要幫我哋打包添 唔係放低個盒就走㗎
Post
