Outdark (H8)

Open Now

Now Closed

今日去咗近期好有人氣嘅Outdark食晚飯。佢哋真係好有人氣，今日只係平日，但全場爆滿不特只，仲有一條長長嘅人龍等緊。好彩我一早有訂到位，而又準時到達，所以一到步店員就安排我哋入座喇。主菜未嚟之前，先食個小食蕃薯芝士條。芝士勁豐富、加埋內餡嘅蕃薯，甜甜哋，好好味。蕃薯芝士條可以做到拉絲，但可能有蕃薯嘅關係，拉得唔係好長。主菜嘅芝士炒雞，除咗有雞髀肉塊同年糕，仲有蛋卷、水牛車打芝士、香炒泡菜、菠蘿粒同埋紫菜飯。店員會等個煲煲熱燒熱之後，替食客將粟米芝士、雞髀肉塊同年糕拌勻。雞髀肉嫩滑彈牙，少少甜、少少辣，再加上水牛車打芝士，非常之惹味。醬汁同年糕亦都非常之夾。配埋旁邊嘅泡菜、菠蘿粒同埋紫菜飯，食到飽一飽，超滿足。