蠔埕

Open Now

Now Closed

好耐之前生日試過呢間餐廳，呢度嘅食材不嬲都好高質，和牛同生蠔都好新鮮，而且價錢又唔貴。最近餐廳做緊開業兩週年優惠，有半任食嘅生蠔和牛盛宴，咁就一於約朋友嚟試吓啦。呢個黑松露和牛他他真係非常出色，佢嘅黑松露味好夠，而且和牛非常新鮮，兩樣嘢夾埋真係好開胃呀。今日嘅海鮮拼盤係龍蝦，龍蝦非常大隻，而且食落好新鮮，唔使點任何醬汁都好有鮮味。最近好興和牛漢堡，我認為呢度嘅炭燒黑松露和牛漢堡，仲好食過最近日本新開黎香港嗰間啊。佢嘅漢堡厚薄適中，而且入面唔會有好多肥肉，非常香口好送飯。今晚嘅重頭戲就係呢鹿兒島A5黑毛和牛，佢一上枱已經忍唔住影相啦。因為佢嘅肥瘦適中，啲雪花紋非常靚，而且食落入口即溶，牛味都好足夠，仲好食過喺日本食啊。最重要嘅係呢度可以任食生蠔，不過我覺得佢其他食物已經更加高質，而且食其他食物已經飽飽地啦，今次食得唔夠生蠔，所以已經約定咗朋友下次再一齊嚟任食過。呢間餐廳食材質素非常好，而且價錢又唔貴，而且Staff嘅服務態度都好好，啱晒一大班朋友坐喺度食飯飲酒傾吓偈。