Video
Read full review
2023-05-14
20 views
今日朋友帶左我去銅鑼灣樓上cafe食法式西餐。餐廳設計簡約，燈光柔和，好有情調。晚餐有set menu，包括前菜、主菜、飲品，另外加$38就有一件甜品。忌廉海鮮湯：湯底用左木魚熬製，海鮮味濃郁，配料有蜆肉、章魚粒、蝦仔，好鮮甜；餐湯又點少得熱辣辣既蒜蓉飽，完美組合。田園沙律：沙律菜新鮮種類多，醬汁有D似意大利青醬，少少酸辣，開胃醒神。蟹肉忌廉汁燴意大利飯：意大利飯煮得煙韌，粒粒分明，蟹肉充滿海鮮滋味，加左蘑菇、蟹籽、蒜片、香葉一齊煮，豐富到不得了。法式香煎盲鰽魚配檸檬香草汁：加左D檸檬皮嚟煎，魚皮脆邊，魚肉嫩滑無骨，底部既薯蓉係用新鮮薯仔，去皮後搓成薯泥，不用機器打，入口特別細膩。巴斯克香橙蛋糕：近年大熱甜品之一，表層烤至濃醇焦香，口感綿蜜，加左橙皮碎，美味升級。總結，廚師用心製作，食物質素高，員工服務殷勤，值得推薦。
晚餐有set menu，包括前菜、主菜、飲品，另外加$38就有一件甜品。
忌廉海鮮湯：湯底用左木魚熬製，海鮮味濃郁，配料有蜆肉、章魚粒、蝦仔，好鮮甜；餐湯又點少得熱辣辣既蒜蓉飽，完美組合。
田園沙律：沙律菜新鮮種類多，醬汁有D似意大利青醬，少少酸辣，開胃醒神。
蟹肉忌廉汁燴意大利飯：意大利飯煮得煙韌，粒粒分明，蟹肉充滿海鮮滋味，加左蘑菇、蟹籽、蒜片、香葉一齊煮，豐富到不得了。
法式香煎盲鰽魚配檸檬香草汁：加左D檸檬皮嚟煎，魚皮脆邊，魚肉嫩滑無骨，底部既薯蓉係用新鮮薯仔，去皮後搓成薯泥，不用機器打，入口特別細膩。
巴斯克香橙蛋糕：近年大熱甜品之一，表層烤至濃醇焦香，口感綿蜜，加左橙皮碎，美味升級。
總結，廚師用心製作，食物質素高，員工服務殷勤，值得推薦。
Post
