泰越概念 (Closed)

泰越概念地方新淨，兩旁有落地玻璃，餐廳非常光猛，座位寬闊，裝修簡潔，環境都幾清淨，侍應招呼殷勤，經常幫我地添水，呢度食嘅係泰越Fusion 菜，睇完餐牌之後，覺得應該係泰越粵西式混雜，食物價錢幾合理，份量亦十足，不過食物嘅質素同味道方面，我覺得有啲唔達標，尤其招牌之一嘅燒春雞真係太乾太硬了，要改善一下，總體嚟講，都係比較普通，食咗幾款食物，當中只有椰汁綠豆冰同香茅金沙黃花魚係做得比較出色，其他真係乏善足陳。