Ideas Dessert (Closed)

今日來左哩間甜品店食甜品，2:00左右出門，去到2:45還沒有開門，原來距開門時間係3:00，我地可以成為等一位客人xp。因為唔熟荃灣，所以都搵左一陣先搵到。企出面等左一陣就開門，門口見到餐牌已經流曬口水，好似好吸引咁。個menu 都幾多選擇，老闆都好熱心咁同我地推介。我地最後兩人叫左三個甜品，分別係榴蓮飄香，牛奶芒果同埋抹茶千層酥。榴蓮飄香好勁榴蓮味，仲外加一個榴蓮球，果肉d24榴蓮勁香，勁濃烈，好似成個榴蓮食落肚咁，入面仲有好得意脆脆西米，加椰果加牛奶布甸，好有口感，好足料啊！牛奶芒果原來係雪糕，芒果好甜（精髓）牛奶雪糕係用3.6牛乳做，所以好滑同埋好香牛奶味，同樣都好高質。抹茶千層酥皮薄鬆脆，入面紅豆好棉好軟，抹茶心完全唔甜，我好鍾意。如果人多去就更加滿足，因為見餐牌上所有甜品都好想全部試，人多就可以每樣都試下，下次要再同朋友黎食，因為真係好味同扺食！