Video
Read full review
2020-10-23
1258 views
終於又到Happy Friday 喇，之後又有３日連假，難得咁開心，就同同事食餐好嘅。揀咗間法國餐廳，門面就唔係好顯眼，係橫巷入邊一棟舊樓嘅一樓，入邊都唔算好大，但估唔到lunchtime 都full 哂喎。Lunch set 嘅款式唔算多，今日有４款，價錢就包左前茶﹑主菜同飲品。是日餐湯係蘑菇忌廉湯，首先要讚嘅係個湯好夠熱，入邊蘑菇都好多，好creamy 好香滑，唔係行貨嘅餐湯。主菜就揀咗三文魚，上到枱都幾大份，男仔食都一定夠飽。先講三文魚，外皮唔會煎得太燶，一入口油香好夠，完全唔會過咗火，一啲都唔乾身，切開亦唔會碎開哂，配埋忌廉汁balance 得好好。伴碟嘅薯蓉屬於幼滑冇粒粒果種，調味相對咸少少，但夾埋三文魚食就perfect 喇!最後再用杯咖啡做總結，大家一齊有講有笑，咁就成就咗呢餐happy Friday 嘅午餐~
Lunch set 嘅款式唔算多，今日有４款，價錢就包左前茶﹑主菜同飲品。
是日餐湯係蘑菇忌廉湯，首先要讚嘅係個湯好夠熱，入邊蘑菇都好多，好creamy 好香滑，唔係行貨嘅餐湯。
主菜就揀咗三文魚，上到枱都幾大份，男仔食都一定夠飽。先講三文魚，外皮唔會煎得太燶，一入口油香好夠，完全唔會過咗火，一啲都唔乾身，切開亦唔會碎開哂，配埋忌廉汁balance 得好好。伴碟嘅薯蓉屬於幼滑冇粒粒果種，調味相對咸少少，但夾埋三文魚食就perfect 喇!
最後再用杯咖啡做總結，大家一齊有講有笑，咁就成就咗呢餐happy Friday 嘅午餐~
Post
