吃吧 (僑建大廈)

Open Now

Now Closed

今日同妹子補足返佢生日、但係我哋都好搞笑互送禮物！我送俾佢嘅當然係手信啦，佢送俾我 嘅係生日禮物仲要有兩份！真係愛死我妹！今次我食緊一間旺角都幾盛行嘅西餐廳、記得要早啲預約，因為佢都比較full 㗎！我覺得呢間嘅舖頭最好食莫過於佢最出名嘅香草白汁青口！青口嘅感覺好彈牙亦都朔晒啲汁落去！好香濃，再配上西多士浸佢嘅青口汁真係忍唔住一啖又一啖！之後鍾意嘅一定係佢嘅墨西哥片，配上牛肉醬、墨西哥片本身配牛肉醬已經好好食，再配上莎莎藩茄同牛油果醬就更加層次爆滿啦！當然唔可以錯過佢呢度嘅椒鹽粟米、出面嘅粟米可能會係成嚿咁樣俾你食，但係個感覺就冇咁好食，我都鍾意佢拆開出嚟嗰種感覺全部都係粟米肉！再加上香蒜爆炒香辣嘅味道真係好正好好食！呢度嘅軟殼蟹芝士千層麵都係好正、軟殼蟹成隻相再加上芝士嘅千層麵本身個質感都好滑食落去唔會好厚身！都好有口感！呢度嘅Cocktail特飲亦都好獨特，今次我就嗌咗兩杯、一杯就係芒果士多啤梨組成嘅味道比較甜，但係配上梳打水感覺都好舒服好好清！另外我就嗌咗個橙汁，再加上百香果嘅味道比較舒爽微甜！吃吧cheif旺角僑建大廈2樓