Fûhn (The L. Square) (Closed)

今日同朋友喺銅鑼灣行街，兩個人講起想食越南野，就搜尋左呢一間隱世小店，佢哋係樓上鋪環境唔大但係座位都好闊落。我哋就點左佢哋嘅招牌河粉，佢哋呢度食河粉都好有步驟講究，令到你可以是出唔同嘅風味，可以首先完美咁試一試佢哋嘅湯底，試完之後就可以加返後邊嗰啲是拉差醬或者海鮮醬，令到個湯底有唔同嘅風味!個香茅豬扒都煎得好香脆，配搭埋個粉一流。另外我哋都點左個三上小食拼盤，入面有炸蝦餅啦春卷同埋呢個牛油雞翼，食得出每一樣都係即叫即炸，蝦餅好大件係手打嘅，春卷入面啲餡都係好足料 ，雞翼炸得好脆好有牛油香味。最後點多左份香烤芝士蝦餅法包同杯芒果益力多沙冰，法包份量好大，包上面鋪滿晒蝦肉，呢個價錢絕對物超所值，食落好香口！