胡爐 (Closed)

最近天氣開始變凍，我同朋友行完街之後，我哋都好想食啲暖啲嘅嘢，咁啱見到附近有胡蘆，之前一直都好想試吓，所以就去咗打邊爐！咁食物方面佢哋都好多選擇，而且仲有幾個湯底可以揀，款式好多樣。胡椒豬肚花膠雞窩 $268我同朋友就揀咗呢個湯底，果然冇令我哋失望！湯本身好濃郁，加上啲料都好足，有好多豬肚同埋鹹酸菜，豬肚爽口彈牙，鹹酸菜令到個湯味道更加多元化。花膠同埋雞就係另上比你自己加落去，雞肉好新鮮，煮完之後都好嫩滑，而且吸收左湯嘅味道，有少少胡椒嘅香味。花膠力都好彈牙，骨膠感重，份量都好多！！胡爐牛拼盤 $398呢個拼盤有幾款牛肉，有牛舌芯、安格斯手切牛、極上手切肥牛、霜降牛粒同埋牛胸爽，所有嘅油花都好靚，亦都好新鮮。安格斯手切牛牛味濃厚，肉本身亦都比較厚。霜降牛粒油脂感豐富，牛味同油脂兩樣都有，好平均，食落好滿足。牛胸爽好彈牙，每一啖都充滿油香。泰式無骨鳳爪 $78我哋估唔到佢有鳳爪，所以叫左個嚟試下。鳳爪鋪滿泰式酸辣汁，好惹味。而且佢都有好多配料，例如洋蔥、蘿蔔絲等等，配料都吸晒酸辣汁，同鳳爪亦都好夾。手打香茜炸菜牛丸（4粒）$52牛丸味道濃郁，加上芫荽嘅香味同埋炸菜嘅口感，令到口感更豐富。