Cafe Fabulous

Open Now

Now Closed

呢幢大廈有幾間食肆，朋友提議呢一間，見樓下有餐廳嘅相，幾開揚，唔迫夾，啱哂傾計。佢嘅‘二人套餐’，係揀一款小食、兩款意粉或飯，加兩款甜品，再有兩款飲品。黑松露焗野菌好多野菌呀，芝士味唔會好膩，要快快趁熱食。焗自家製芝士肉醬意粉又嚟芝士，好香，肉醬嘅醬汁都好好味，而且可以啖啖都有醬汁食到尾。日式咖哩炸蝦天婦羅飯呢個咖哩比較淡，但反而仲好，唔會搶到天婦羅蝦嘅鮮味。即叫即炸，又唔油膩，一碟有四件，正。紐約芝士餅。法式焦糖燉蛋飯後點少得‘甜品’呀！水蜜桃果粒茶。藍莓果粒茶。天氣開始凍，飲一杯花茶，暖哂。唔係一杯，係一壼。真係可以慢慢嘆茶，慢慢傾計。餐廳地方闊落，兩三個朋友傾計或者一班同學仔傾吓project 玩下board game 都啱。地點夠方便。