水木日本料理 (Closed)

一個人去觀塘水木料理食個簡單dinner，裝修以木質和風為主，樓底高，座位闊落，環境都算靜同坐得舒服。✧稻庭烏冬 $68口感非常彈牙，搭上暖暖既湯頭同少量紫菜弔味，清新爽口，令人想一啖接一啖食落去。單純食烏冬有啲寡，加多個雜錦天婦羅係完美配搭。✧雜錦天婦羅 $148非常豐富多樣。金黃酥脆，但唔會令人覺得油膩。✧雜錦漬物 $58係由不同既蔬菜製成的，口感爽脆、酸甜適中，非常開胃。我特別鍾意佢地個醋漬蘿蔔，清新口感，中和返之前食物既油膩感，消滯。總括而言，呢度靜靜地一個人食個簡單飯係唔錯。