坤記牛腩 (Closed)

係youtube，飲食男女都有介紹過，坤記同聯發隔一個舖，次次去對面利口福都見人係聯發等位，坤記就空空，今晚突然想食牛腩麵，就膽粗粗去試下。首先來一個清湯蘿蔔，湯好甜，蘿蔔林到有啲碎，可能係煮咗成日的關係。上湯牛腩撈粗，$72一碟，個湯係牛湯，同碗蘿蔔湯唔同，味道ok. 好想食聯發义燒煎蛋飯，叫咗一碗加杯凍檸茶，嘩！杯凍檸茶票$24，係咪好好飲？其實超唔值。碗义燒飯，啲飯太多水煮，林身，义燒番煮過，只係賣相ok, 以後唔會再食。仲叫咗菜肉雲呑，煮過頭，啲皮一夾就爛。個淨撈粗，太甜。總括，聯發唔洗試，坤記啲牛腩唔算超班，試過就算。