錦川餐廳 (Closed)

$41餐淨係睇個脆豬／多士的牛油份量已經誠意爆燈，次次都係烘到鬆脆，冇試過淋或者根本冇點烘過的情況出現。奄列塞滿火腿，兩餸麵沙牛正宗沙牛味（好耐食唔到），仲可以免費轉蕃茄湯，蕃茄湯夠濃仲要有薯仔粒。茶走水準穩定。食過辛辣麵餐都係好正，麵硬度恰到好處，樣樣足料絕無揸流灘，埋單埋得好心甘情願。落單上菜都甚具效率，仲要唔使點等位，夫復何求。