粵藝館 (時代廣場)

Open Now

Now Closed

上次來因為有時代廣場coupon, 今次來有佢的集團coupon又來，名都改咗， 價錢都冇變。 比較海港城分店，寧靜啲，座位寬敞些，我們的座位在餐廳梳化角位， 橢圓形4人枱，2人坐挺舒適，枱布雖然膠質，但軟身，抌上去都滑。 先送頭盤，花膠凍，有魚翅味，爽而彈，好有膠質，配啫喱醋，解腻，賣相靚，用典雅器具也增添顏值。 竹炭脆豆腐$78，8件，件件都有排九咁大件，高级餐廳好少咁多份量，外面香脆及薄粉，微辣，灑少許7味粉？內裏豆香一流，嚴選優質黃豆，滑度及口感似燉奶。 爆米鯪魚球$88，咬落脆卜卜，口中爆發，似玩卜卜膠，卜吓卜吓，有冶愈效果，鲮魚有陳皮，微香，肉彈，口感正。 蜆蚧汁夠濃夠香可以不用蘸食，我喜歡分開食，單食蜆肉。 欖菜叉燒炒飯，此處叉燒出名，欖菜我喜，賣$138，當然要點， 欖菜不會過多，叉燒有肥廋，叉香自然有，粒粒絲苗米，體型像少女纖幼有肉地，晶瑩有光澤，軟硬適中，乾爽不油腻，味道可口，可喜可愛。埋單約$380，用1張$100 coupon, 想食甜品可用多一張coupon，但已很飽。